QR Premer-mınıstriniń birinshi orynbasary Asqar Mamın EKSPO-2017-ge daıyndyq kezinde qaýipsizdik pen quqyqtyq tártipti qamtamasyz etý jónindegi vedomstvoaralyq komıssııanyń (VAK) kóshpeli otyrysyn ótkizdi, dep habarlaıdy Premer-Mınıstrdiń baspasóz qyzmeti.
Otyrys barysynda qoǵamdyq tártip kúzeti men qaýipsizdikti qamtamasyz etip, jedel basqarý úshin birqatar sharalar kesheni qabyldanyp, arnaıy, quqyq qorǵaý jáne ózge de memlekettik organdar men uıymdardyń basshylary ishinen jedel shtab pen jumys toby quryldy. Osy oraıda qaýipsizdikti qamtamasyz etýge jaýapty memlekettik organdardyń basshylary júzege asyrylyp jatqan jumystar týraly esep berdi.
Jalpy qoǵamdyq tártip kúzetine 9 myńnan astam quqyq qorǵaý qyzmetkerleri jumyldyrylady jáne kórme keshenine kireberister metall detektorlarymen, rentgen-televızııa qondyrǵylarymen jabdyqtalǵan. Osy jerde beınesaraptaý, tulǵany anyqtaý jáne kelýshilerdi tirkeý júıesi qoldanylady.
Sonymen qatar, kórme nysandarynda baqylaý júrgizip, jedel áreket etý maqsatynda 2 myńnan astam beınebaqylaý kameralary ornatylǵan, ol Astana qalasy IID-niń Jedel basqarý ortalyǵyna shyǵarylǵan.
EKSPO-2017 aýmaǵynda polısııa bólimshesi men kórmege jaqyn mańda órt sóndirý bólimshesi ashyldy. Kórmeniń ashylýynan bir aı buryn qaýipsizdikti qamtamasyz etý ortalyǵy jumysyn bastaıdy.