Sonaý HVII ǵasyrdyń basynda jazylǵan bul pesa álemniń júzdegen tiline aýdarylyp, talaı sahnada qoıyldy. Biz jas rejısserdiń nelikten bul klassıkany tańdaǵanyn suradyq.
– Ár teatrdyń, ár rejısserdiń óz Gamleti bar. Ǵasyrlar boıy júrip kele jatqan bul qoıylym eshqashan tuǵyrdan túspeıdi. О́zim osy «Gamlet» shyǵarmasyn 14 jasymda mektep kitaphanasynan alyp oqyǵan edim. Sol kezden-aq janyma jaqyn bolyp ketti. Pesa oqıǵasynan, onda jazylǵan jaǵdaılardan men óz ómirime áldebir uqsastyq taýyp ala beretinmin. Kópten oılanyp, qoısam dep júrgen dúnıeniń sáti búgin tústi, – deıdi Jiger Myrzalıev.
Aıta ketý kerek, kórermen qaýym oraldyq «Gamletti» óte jyly qabyldady. Premera eki kún qatar ótse de anshlag boldy. Akterlardyń sátti oıyny, qoıýshy sýretshi Qaıyr Orazǵalıevtiń qııalynan týǵan qyzyl-jasyldy kostıýmder oqıǵanyń mánin odan ári baıytty.
– Teatr álemine tórt ǵasyr boıy Temirqazyq bolǵan «Gamletti» teatrymyz abyroımen alyp shyqty! Basty róldegi Jylqybaı Jubatov Dat hanzadasyn kórermen óz ortasynan shyqqan adamdaı qabyldady. Jas ərtistiń alysý-julysýǵa, judyryqtasýǵa eptiligi de, aıqas ústinde qanjar men qarýdy meńgerýi de súısintti. Tájirıbeli akter Erbol Esendosov Klavdı koroldi jylpos, aramdyǵyn ishke búkken zymııan qalypta sheber somdady. Gertrýda koroleva rólindegi Baqytgúl Jaqypova da solaı, – deıdi qoıylymnan alǵan áserimen
bólisken kórermen Dınara Qydyrbaıqyzy.
Batys Qazaqstan oblystyq qazaq drama teatry budan buryn Shekspırdiń «Gamletinen» de kóne shyǵarma – Evrıpıdtiń «Troıa arýlary» tragedııasyn sátti somdaǵan edi. Bul qoıylym halyqaralyq «Bosporskıe Agony-2015» jáne «Stobı-2016» festıvalinde Gran-Prı, «Úzdik rejıssýra», «Úzdik áıel róli» atalymdaryn jeńip alǵan. Belgili aqyn, tájirıbeli akter Qýanysh Amandyqov basqaryp otyrǵan teatr ujymy 2016 jyly ǵana kórermenge 11 premera usyndy.
Qazbek QUTTYMURATULY,
«Egemen Qazaqstan»
ORAL