Bata berý dástúrin dáripteý, jas urpaqty joǵary adamgershilikke, sóıleý mádenıetine, rýhanı tazalyqqa baýlýdy maqsat etken sharaǵa 18 batagóı qatysty. Ulttyq qundylyqtar dáriptelgen baıqaýda dástúrli óner de shet qalmady, jyrshy-termeshiler keshtiń kórkin keltirdi.
«Batamen el kógerer» atty baıqaýdyń bas júldesin atyraýlyq Aqmyrza Batyrqaıyrov jeńip aldy. Ýahıt Ádilov birinshi, Tilekqabyl Muratolla ekinshi oryndardy ıelendi. Al úshinshi oryn Saıasat Rahmetov pen Maldybaı Nyǵmetovtiń enshisine buıyrdy.
- Ult murasyn ulyqtaıtyn ulaǵatty sharany Atyraý qalalyq ákimdigi jyl saıyn uıymdastyrady. Bul – ata saltyn jańǵyrtyp, urpaqtar sabaqtastyǵyn nyǵaıtýǵa baǵyttalǵan qadam, - deıdi qala ákiminiń baspasóz hatshysy Ardaq Jýasov.
Baqytgúl BABASh,
«Egemen Qazaqstan».
ATYRAÝ.