Elordanyń jańa vokzal kesheni 54 poıyzǵa qyzmet kórsetedi. Onyń 22-si – «Tulpar-Talgo» júrdek poıyzy, 16-sy – standartty jáne taǵy 16-sy – qalaaralyq poıyzdar.
«EKSPO-2017 halyqaralyq kórmesi qarsańynda Astanadan myna baǵyttar boıynsha qosymsha poıyzdar qatynaıtyn bolady: «Astana-Mańǵyshlaq», «Astana-Atyraý», «Astana-Shymkent», «Astana-Qostanaı», «Mańǵyshlaq-Astana», «Taraz-Astana», «Oral-Astana», «Qaraǵandy-Astana».
«Qazirgi ýaqytta Astana qalasynyń ákimdigimen birlesip jańa vokzalǵa deıin qoǵamdyq kólikterdi, sonymen birge júrdek baǵdarlardy uıymdastyrý máselesi qarastyrylý ústinde».
Aıta keterligi, EKSPO-2017 halyqaralyq mamandandyrylǵan kórmesi 10 maýsymda bastalyp, 10 qyrkúıekte aıaqtalatyn bolady. Kórmege 2 mıllıonnan astam adam keledi dep kútilýde. Olar kórmeni keminde eki ret aralaıdy dep josparlanǵan. Jalpy kórmeni tamashalaýshylardyń 85 paıyzyn Qazaqstan azamattary, al qalǵan 15 paıyzyn sheteldikter quraıdy. Sheteldik qonaqtardyń basym bóligi TMD elderi men Qytaıdan keletini kútilýde. Qazirgi ýaqytta 112 memleket pen 18 halyqaralyq uıym EKSPO kórmesine qatysatyndyǵyn resmı túrde rastap otyr.
Osy jyldyń naýryz aıynda Májilistiń burynǵy depýtaty Táńirbergen Berdiońǵarov óziniń blogynda jańa temirjol vokzalynyń qurylys barysy túsirilgen vıdeony jarııalaǵan bolatyn.