Fotosýretshiler kezdesýine Túrkııa, Qyrǵyzstan, Túrikmenstan, О́zbekstan, Ázerbaıjan, Tatarstan jáne Qazaqstannyń Astana, Almaty, Ońtústik Qazaqstan oblystarynan kásibı 16 fotosýretshi shaqyryldy.
Túrkistan qalasyndaǵy tarıhı-mádenı etnografııalyq ortalyq bazasyndaǵy kedesýge qatysqan oblys ákiminiń orynbasary U.Sádibekov - qoǵam shyndyǵyn tarıhta qaldyratyn fotosýretshiler ekenin atap ótti.
«Jalpy fotoóner degenimiz - fotosýretti negizgi oıdy bildirý quraly retinde qoldanatyn ónerdiń erekshe túri. Sonymen qatar, fotoóner – jýrnalıstıkanyń ushqyr salasy. Ol – qasqaǵym sáttiń shejiresi. Erekshe qyraǵylyqty, eptilik pen qaǵilezdikti talap etedi. Kásibı maman túsirgen sýrettiń ózi «sóılep» turady. Búginde taqyrypty bir kadrmen-aq ashatyn, tosyn sátti qaǵyp túsip, adamnyń bolmysyn qasqaǵym sáttik beıne arqyly ashatyn sheberler az desek, solardyń biregeıleri – búgingi kezdesýde jınalyp otyr»,-dedi U.Sádibekov.
Fotosýretshiler 4 shyǵarmyshylyq topqa bólinip, ońtústik óńiriniń barlyq aýdandary men qalalarynda, tarıhı-mádenı eskertkish oryndarynda jumys istedi. Atap aıtsaq, I top Túrkistan, Kentaý, Otyrar, Qarataý qoryǵy aımaqtarynda, II top Saryaǵash, Qazyǵurt, Jetisaı aýdandary men qalalarynda, III top Sozaq, Báıdibek, IV top Túlkibas, Tóle bı, Saıram aýdandarynda shyǵarmashylyq foto jumystarmen aınalysty. Túsirilgen fotosýretterden arnaıy kórmege 100 dana jumystar qoıyldy.