Onyń aıtýynsha, UBT oblysta 16 jerde ótkiziledi. Olardyń tórteýi joǵary oqý oryndarynyń bazasynda, úsheýi aýdan ortalyqtaryndaǵy kolledjderde, toǵyzy jalpy orta mektepterdiń bazasynda ornalasqan. Árbir UBT ótkizý pýnktterinde 11-den 14-ke deıin aýdıtorııalar daıarlanyp, olar uıaly telefon baılanysyn ajyratatyn 237 qurylǵymen jabdyqtalyp otyr.
«Bıylǵy jyly mınıstrliktiń tapsyrmasyna sáıkes 91 jańa úlgidegi 4G jıiliktegi baılanys ajyratatyn qurylǵylardy alýǵa jergilikti bıýdjetten qarjy qaralyp, satyp alý jumystary júrgizilýde. Sonymen qatar, testileý pýnkterinde 26 ramaly metal izdegishter, 226 salqyndatqysh, testileý kezinde beınejazba júrgizý maqsatynda 42 beıne tirkegish ornalastyryldy», - dedi basqarma basshysy.
Qazirgi tańda 33112 bitirýshiniń 23760-y ıaǵnı 71,8 paıyzy UBT tapsyrady dep kútilýde. UBT-ǵa ótinish qabyldaý 10-naýryzdan 10-mamyrǵa deıin júrgiziledi.
UBT tapsyrýǵa nıet bildirgen mektep bitirýshileri UBT-nyń jańa formatyna daıyndalý maqsatynda aldyn-ala baıqaý testerine qatystyrylýda. Naýryz aıynda alynǵan baıqaý testeriniń orta baly – 75,2 baldy qurap otyr.
Sondaı-aq, UBT tapsyratyn 23760 bitirýshiniń 13585-i tasymaldaýdy, 12443-i tamaqtanýdy, 1825 oqýshy jatyn oryndy qajet etedi. Búgingi tańda jergilikti bıýdjetten bitirýshilerdi testileý úshin qajetti qarajat bólinip, uıymdastyrý jumystary júrgizilýde.
Oblystaǵy 1429 túlek «Altyn belgi» belgisine, 852 bitirýshi úzdik attestatqa, 9-synypty bitirýshilerdiń 3568-i úzdik kýálikke úmitti.