Respýblıkanyń keı jerlerinde naızaǵaı oınap, tuman túsedi, ekpindi jel soǵady, soltústiktiń basym bóliginde jel kúsheıedi, dep habarlaıdy «Qazgıdromet». Atap aıtqanda, Atyraý oblysynyń keı jerlerinde naızaǵaı oınap, 15-20 m/s jyldamdyqpen soqqan jeldiń ekpini 17-22 m/s kúsheıedi. Soltústik Qazaqstan oblysynda jeldiń jyldamdyǵy 23 m/s deıin artady. Batys Qazaqstan, Pavlodar, Mańǵystaý oblystarynda, kúndiz Jambyl, Ońtústik Qazaqstan, Aqtóbe oblystarynda, túnde Aqmola oblystarynda jel 15-20 m/s kúsheıedi. Shyǵys Qazaqstan, Qostanaı oblystarynyń keı jerlerinde jeldiń ekpini 15-20 m/s kúsheıetini boljanýda, túnde jáne tańerteń tuman bolady. Qyzylorda oblysynda kúndiz shańdy daýylmen qosa 15-20 m/s jyldamdyqta jel soǵady. Qaraǵandy oblysynyń keı jerlerin tuman basady.