Abaı oblysynyń Aıagóz qalasyndaǵy №10 qazaq mektep-gımnazııasynyń 10-synyp oqýshysy Arýjan Qabdulmaratova turmystyq plastık qaldyqtaryn qaıta óńdeý arqyly jol jabynyn jasaýdyń tyń ádisin usyndy. Jas zertteýshiniń birneshe jylǵa sozylǵan eńbegi naqty nátıjesin berip otyr, dep jazady Egemen.kz.
Arýjan bul jobamen 7 synyptan bastap júıeli túrde aınalysyp keledi. Izdenis barysynda ol plastık qaldyqtaryn arnaıy óńdep, asfalt quramyna qosýdyń tıimdi tásilin tapqan. Usynylǵan ádis jol jabynynyń beriktigin arttyryp, onyń qyzmet etý merzimin edáýir uzartady.
Mamandardyń baǵalaýynsha, mundaı tehnologııamen salynǵan joldar orta eseppen 12-18 jyl boıy jóndeýdi qajet etpeıdi, al sapasy joǵary úlgileri 20-25 jylǵa deıin tózimdi. Sonymen qatar eko-asfalt dástúrli jol jabynymen salystyrǵanda áldeqaıda únemdi ekeni atap ótildi.
Astanada mektep oqýshysy «Aqyldy shlagbaým» oılap tapty
Jobanyń taǵy bir mańyzdy qyry – jol sapasyn baqylaýdy avtomattandyrý múmkindigi. Kelesi kezeńde oqýshy arnaıy avtonomdy robottar júıesin engizýdi kózdep otyr. Onyń túsindirýinshe, «A» roboty joldaǵy aqaýlardy anyqtaıdy, al «V» roboty olardy jedel jóndeıdi. Bul tásil ýaqytty únemdep, jóndeý shyǵyndaryn azaıtýǵa múmkindik beredi.
Armanyn ǵaryshqa samǵatqan jas ónertapqysh
Jas ónertapqyshtyń basty maqsaty – plastık qaldyqtaryn tıimdi paıdalaný arqyly qorshaǵan ortany qorǵaý jáne jol qurylysyna ınnovasııalyq sheshim engizý. «Eko asfalt» jobasy arqyly Arýjan týǵan óńiriniń ekologııasyn jaqsartýǵa naqty úles qosyp otyr.
Jas ónertapqyshtardyń áleýeti: Ideıalar nelikten óndiriske jetpeı qalady?