Investısııa esebinen 25 myń páter salynady

«Turǵyn úı salasyna salyn­ǵan ınvestısııa 2015 jylǵy 740 mıllıard teńgeden 2016 jyly 830 mıllıard teńgege artty. Al, bıylǵy jyldyń al­ǵashqy toqsanynda 174 mlrd teńge baǵyttaldy. 2016 jyly respýb­lıkanyń turǵyn úı qory 10,5 mln sharshy metrge kóbeıdi. Bul – shamamen 90 myń baspana. Bıylǵy esepti kezeńde jalpy alańy 3,1 mln sharshy metr turǵyn úı nemese 25 myń baspana salyndy. Bul kór­setkish ótken jyldyń osy keze­ńimen sa­lystyrǵanda 25,3 pa­ıyzǵa artyq. Aıta ketý kerek, jyl a­ıaǵyna deıin «Nurly jer» baǵ­darlamasy aıasynda 100 myń páter, onyń ishinde memlekettik ın­ves­tısııa esebinen 25 myń pá­ter salynady», dedi komıtet tóraǵasy.

Brıfıng barysynda jeke turǵyn úı qurylysyn qoldaý jáne ony damytý maqsatynda ob­lys ortalyqtarynda usynylǵan jańa qanatqaqty joba jaıynda jáne beriletin áleýmettik baspa­naǵa qatysty máseleler de sóz bol­dy. «Halyqtyń áleýmettik ál­siz toptary úshin satyp alý quqy­ǵyn­syz arendalyq baspana saly­na­dy. Turǵyn úı qurylys jınaq júıesiniń salymshylary úshin nesıelik turǵyn úılerdi paı­da­lanýǵa berý kólemi artatyn bolady. Jeke qurylys salýshylardyń tur­ǵyn úı qurylysyn jáne mem­lekettiń sýbsıdııalaýy arqyly ıpo­tekalyq nesıelendirýdiń qol­jetimdiligin arttyrý kózdelýde», dedi M.Jaıymbetov.

Júrgizilgen reformalar kásipkerler úshin ruqsat alý resimderiniń sanyn 25-ten 8-ge deıin jáne qurylysqa ruq­sat alý merzimin 3 aıdan 1 aı­ǵa deıin qysqartýǵa múmkindik ber­edi eken. «Atqarylǵan sha­ra­lardyń nátıjesinde «Doing Business» reıtınginde Qazaq­stannyń pozısııasy jaqsardy. Dúnıejúzilik banktiń baǵalaýy boıynsha, Qazaqstan eki jyl­da 152-orynnan 22 orynǵa kóteril­di. Qurylys salasyndaǵy sa­rap­­­ta­malyq qyzmettiń ózin-ózi ret­teýine kóshýi aıasynda sarap­tamanyń 60 paıyzy naryqtyq ortaǵa berildi, 2020 jyldan bastap jobalarǵa saraptama jasaýdyń 90 paıyzy jeke naryqta bolady», dedi komıtet tóraǵasy. Onyń aıtýynsha, tehnologııalyq kartalardy ázirleý negizinde qurylystaǵy jańa tehnologııalarǵa smetalyq baǵalaý keńeıýde. Qurylys salasyn tehnıkalyq retteýdiń eýropalyq jáne álemdik júıelerine kirigý sheńberinde 2017 jyldyń sońyna deıin jalpy qurylys máseleleri boıynsha eskirgen qurylys norma­lary men erejelerin alyp tastaý josparda bar. 2019 jyldyń sońyna deıin Eýrokod júıesine tolyq aýysý kózdelip otyr.

Baspasóz máslıhatynan ke­ıin jýrnalısterdiń saýaldaryna jaýap bergen Marhabat Jaıym­betov bıyl áleýmettik jaǵy­nan az qamtylǵan azamattar úshin arendalyq baspana salýǵa 25 mıllıard teńge bólingenin aıtty. «Nurly jer» baǵdarlamasy aıasynda bólingen soma 1,5 mıllıard teńgeden árbir óńirge tara­tylyp berildi. Bul – árbir oblysta 180 páter salynady degen sóz.

Ashat RAIQUL,

«Egemen Qazaqstan»