Bizdi árqashan jeńiske jeteleıdi
Sizdiń «Bolashaqqa baǵdar: rýhanı jańǵyrý» atty maqalańyzda atadan balaǵa, urpaqtan urpaqqa tarap, jalǵasyp kele jatqan qazaq halqynyń rýhanı baılyǵy jaıly óte oryndy aıtylǵan.
Sizdiń syndarly saıasatyńyzdyń arqasynda, ata-anamyzdyń, tálimgerlerimizdiń bizge bergen ónege, tárbıesiniń arqasynda búgingi kúni biz sportta bıik jetistikterge jetip otyrmyz. Boıymyzdaǵy otansúıgishtik, halqymyzǵa, elimizge, jerimizge degen mahabbat, bolashaqqa degen durys baǵdar bizdi árqashan jeńisterge jetelep otyrady. Elimizde bolyp jatqan saıasattaǵy, bilimdegi, ónerdegi, taǵy da basqa salalardaǵy ózgeristerdi durys túsinip, durys qabyldaǵan biz sııaqty jas urpaq qana básekege qabiletti bola alady.
Men, Sizdiń syndarly saıasatyńyzdy árqashan qoldaımyn!
Danııar ELEÝSINOV,
Olımpıada chempıony
Bul jolǵy jańǵyrýdyń jóni bólek
Asa mártebeli Nursultan Ábishuly!
Biz – kitaphanashylar, bıblıograftar, arhıvısterdiń ujymy bolyp otyrǵan Ulttyq memlekettik Kitap palatasy atynan rýhanı jańǵyrýǵa baılanysty bolashaqqa baǵdarymyzben tanysyp, barshamyzdyń zor qýanyshqa bólenip otyrǵanymyzdy Sizge jetkizgimiz keledi.
Bul baǵdardy zııaly qaýym kópten kútken. Kóktem shýaǵymen jetken jaqsylyq habardaı boldy. Jyl basynda jarııalanǵan týǵan elimizdiń Úshinshi jańǵyrýy bastalǵan soń saıası jáne ekonomıkalyq jańǵyrýdy jarııaladyńyz. О́zińiz aıtqandaı, etek-jeńimizdi jınap, ekonomıkamyzdy nyqtap alsaq, qalǵan ıgilikter de ret-retimen júzege asa jatar degen sózińizdiń oryndalyp jatqanyna kýá bolýdamyz.
Árıne, rýhanı jańǵyrý búginnen bastalǵan joq. Táýelsizdigimizdiń 25 jylynda tarıhymyzdy ulyqtaǵan, mádenıetimizdi kótergen, joǵymyzdy taýyp, barymyzdy baıytqan kóptegen tyndyrymdy jumystar jasaldy. Solardyń bárine О́zińiz uıytqy boldyńyz.
Biraq bul jolǵy rýhanı jańǵyrýdyń jóni bólek, mańyzy elimiz úshin aıryqsha ekeni daýsyz.
Onyń negizgi ustyny – Birtutas Ult bolý jolyna kóship, kemel keleshegimizdi jan-jaqty ári tereń zerdeleýge arnalyp otyr.
Bolashaqty baıandy etý jolyndaǵy bul teńdessiz tarıhı múmkindikti biz barynsha paıdalanamyz dep ýáde beremiz. Osy jolda barsha kásibı bilimimizdi, qaıratymyz ben kúsh-jigerimizdi aıanbaı jumsaımyz dep О́zińizdi sendiremiz.
Ulttyq memlekettik Kitap palatasy ujymy atynan:
Álibek Asqarov, jazýshy, Memlekettik syılyqtyń laýreaty,
Qazaqstannyń eńbek sińirgen qaıratkeri