«2012 jyldan beri Atyraý qalasynda jekemenshik úıge jer bólinbedi. О́tken jyly ǵana turǵyndardyń ótinishteri qanaǵattandyryla bastady. Bıyl 2092 jer telimi beriledi», - dedi óńirlik kommýnıkasııalar qyzmetinde ótken brıfıngte oblystyq sáýlet jáne qala qurylysy basqarmasynyń basshysy Tólep Orynbasarov.
2015 jylǵy esep boıynsha oblys ortalyǵynda 314,5 myń turǵyn bar. Bas josparda 2030 jylǵa qaraı Atyraý qalasy halqynyń sany 350 myńnan asady dep kórsetilgen. Sol kezde qala aýmaǵy úsh esege ulǵaıady, Mahambet aýdanyndaǵy Bereke, Almaly aýyldary qala quramyna engiziledi.
Oblystyń bas sáýletshisi «Nurly jer» baǵdarlamasy aıasynda 37 kópqatarly turǵyn úı qurylysy júrip jatqanynan habardar etti. 2013-2016 jyldary oblys ortalyǵy men 143 eldimekenniń qoldanystaǵy bas josparlary jańartyldy.
«Tozyǵy jetken úılerdi qıratyp, jańalaryn salýda Astanadan úlgi alamyz», - dedi T.Orynbasarov.
Baqytgúl BABASh,
«Egemen Qazaqstan»
Atyraý