Al oryssha sóıleı alatyn azamattar sany 2015 jyly 0,6% azaıyp, 89,4%-ǵa tómendedi, dep habarlaıdy ranking.kz.
Aldyn ala boljam boıynsha, 2025 jylǵa qaraı qazaqstandyqtardyń 95%-y qazaqsha, 90%-y oryssha sóıleı alatyn bolady.
Bilim berý salasynda qazaq tiliniń mártebesi nyǵaıyp keledi. 2016 jyly qazaq tildi mektepterdi bitirgender sany 70%-ǵa jetken. Al mektepter sanyna keler bolsaq, qazirgi tańda bilim berý mekemeleriniń 53%-y, ıaǵnı 3,8 myń mektep qazaqsha oqytady. Esterińizge sala keteıik, 1991 jyly bul kórsetkish 32% bolǵan edi.
Aqparat quraldarynyń úlesine toqtalar bolsaq, 2016 jyly elektrondy BAQ-taǵy qazaq tildi kontenttiń úlesi 12,7% kóbeıip, 84%-ǵa jetti. Al orys tildi kontent kólemi 10,8% azaıdy. Degenmen, elekrondy aqparat quraldary eldegi jalpy aqparat kózderiniń tek 16%-yn ǵana quraıtynyn eskerý kerek. Qalǵandary dástúrli basylymdar. Ondaǵy qazaq tildi kontent kólemi 50%-dan asyp jyǵylady.
2016 jyldyń sońynda elde 2,9 myń buqaralyq aqparat quraly tirkelgen. Bul 2015 jylǵydan 11% artyq. Sonyń ishinde 23%-y memlekettik aqparat quraldary. Memlekettik BAQ-taǵy aqparat aǵynynyń 71%-y qazaq tilinde taraıdy. Bir jyl buryn ǵana bul kórsetkish 60% bolǵan edi. Degenmen, QR Mádenıet jáne sport mınıstrliginiń málimetinshe, qazaq tildi aqparat quraldary meılinshe qyzyqsyz jáne ózektiligi tómen kórinedi. Sonymen qazaq qazaq tildi basylymdar arasynda aqparattyq emes jáne mazmunsyz aqparat quraldarynyń bar degen pikir qalyptasqan.
Qazaqtar sońǵy kezderi aǵylshyn tilin belsendi meńgerýde. 1991 jyly aǵylshyn tilin beletin qazaqstandyqtar sany tek 2% bolsa, qazirgi tańda bul kórsetkish 23,7%-ǵa jetti.
Osynyń yqpalymen 2015 jyly 16%-dy quraǵan úshtildi azamattar sany 2016 jyly 20% boldy.