«Erteń biz tujyrymdamany talqylaýdy bastaımyz. Aldymen Densaýlyq saqtaý mınıstrligi janyndaǵy qoǵamdyq keńeste, keıin kásipkerlerdiń ulttyq palatasynyń bazasynda, BAQ-ta talqylaımyz. Bul zań jobasy qoǵamda talqylaýdyń barlyq kezeńinen ótýi tıis. Zań jobasyn bıyl kúzde Parlamentke jiberý josparda bar», - dedi Eljan Birtanov.
Densaýlyq saqtaý mınıstrliginde zań jobasyn 2017 jyldyń sońyna deıin qabyldap, 2018 jylǵy 1 qańtardan bastap bólshek saýdada barlyq dári-dármekterge shekti baǵalardy bekitý josparlanǵan.
Budan ózge, baspasóz konferensııasy aıasynda E. Birtanov Densaýlyq saqtaý mınıstrligi ambýlatorııalyq-dárilik qamtamasyz etýdiń jańa úlgisin ázirlegenin málimdedi. Atalǵan úlgi halyqtyń jeńildikke ıe bolatyn tobyn dári-dármekpen tegin qamtamasyz etýdiń barlyq túıitkildi máselelerin júıeli túrde sheshýge múmkindik beredi. Endigi biryńǵaı dıstrıbıýtor jańa úlgige sáıkes elimizdiń barlyq túkpirine dári-dármekterdi ýaqytyly jetkizý, taratý jáne esepke alýǵa jaýap beretin bolady.
Erteń Densaýlyq saqtaý mınıstrligi janyndaǵy qoǵamdyq keńes otyrysynda ambýlatorııalyq-dárilik qamtamasyz etýdiń jańa úlgisi qaralady. Sondaı-aq, ony iske asyrý úshin bıznes-qoǵamdastyqpen pikir almasý qajet.