25 sáýir kúni, Qostanaı oblysynda sý tasýyna baılanysty (715 km.+500 m sý aldy) «Ekaterınbýrg-Almaty» tasjolynyń 686-729 shaqyrymy, Sarykól kentinen SQO shekarasyna deıingi ýchaskesinde barlyq avtokólik túrleriniń qozǵalysyna shekteý qoıyldy.
Sý tasqynyna baılanysty SQO-da «Chelıabınsk-Novosıbırsk» tasjolynyń 525-530 shaqyrym aralyǵynda «Mamlıýtka» aınalma jolynan 20-móltek aýdanyna deıingi ýchaskesinde (528, 529 km sý aldy) barlyq avtokólik túrleriniń qozǵalysyna tyıym salyndy. Odan bólek, oblys boıynsha tasjoldardyń birqatar bóligin sý jyryp ketti: 1. «Ekaterınbýrg-Almaty» 766 km (jyrylǵan jol jıeginiń eni - 200 m). 2. «Ekaterınbýrg-Almaty» 797 km («Jem Barak» ózeniniń ústindegi kópir jyrylyp (kópirdiń uzyndyǵy - 46 m), konýs pen ótetin taqta jarylǵan). 3. «Ekaterınbýrg-Almaty» 835 km («Aqan Búrlik» ózeniniń ústindegi kópir jyrylyp (kópirdiń uzyndyǵy - 70 m), konýs pen ótetin taqta jarylǵan). Avtokólikter qozǵalysyna shekteý joq.
OQO-da dál osy sebepti «Samara-Shymkent» jolynyń 2217-2235 shaqyrym aralyǵyna (kópirdiń 2229 shaqyrymy) barlyq avtokólik túrleri úshin qozǵalysqa shekteý qoıyldy. Arys ózeniniń jaǵalaý bekinisi men kópirdiń jaǵalaý tireýin sý shaıyp ketti. Bul ýchaskeni Temirlanov aýyly arqyly aınalyp ótýge bolady. «Qazaqavtojol» RMK oblystyq bólimshesiniń mamandary sý tasqyny oryn alǵan ýchaskelerde bekitý jumystaryn júrgizýde, eskertý belgileri qoıyldy. Táýlik boıy kezekshilik uıymdastyryldy.