QR Aqparat jáne kommýnıkasııalar mınıstri Dáýren Abaev feısbýk paraqshasynda barsha qazaqstandyqtardy Birlik kúnimen quttyqtady.
«Ardaqty aǵaıyn!
Barshańyzdy Qazaqstan halqynyń birligi kúnimen shyn júrekten quttyqtaımyn.
Barsha halqy bir atanyń balasyndaı uıysyp, yntymaǵy yrysqa ulasqan elimiz úshin bul merekeniń qashanda mańyzy zor, máni tereń.
Elimizde ornaǵan birlik pen tatýlyq, qoǵamdyq kelisim men saıası turaqtylyq - búginge deıin qol jetkizgen barlyq jetistikterimizdiń altyn arqaýy.
Osynaý merekede barshańyzǵa zor densaýlyq, eńbekterińizge tabys, ár shańyraqqa shattyq pen baq-bereke tileımin
Birligimiz nyǵaıa bersin, elimizdiń irgesi berik bolsyn!» dep jazdy mınıstr feısbýk paraqshasynda.