Bar jaqsylyq – balalarǵa

Astanada shaǵyn-fýtboldan balalar jáne jasós­pirimder arasynda «QazMunaıGaz» kýbogy úshin qalalyq týrnır bastaldy. Jeksenbi kúni Astana qala­syndaǵy  № 28 orta mekteptiń sport alańynda bastalyp, elimiz Táýelsizdiginiń 20 jyldy­ǵyna oraı ótkizilip otyrǵan týrnırdiń uıymdas­tyrý­shy­lary – «Qaz­MunaıGaz» UK» AQ, Qazaqstan Fýtbol federa­sııa­sy, Astana qa­lasy bilim basqarmasy men «Shy­­ǵys» balalar men jas­óspi­rimder ortalyǵy. Týrnır elimizde buqaralyq sportty damytý jáne balalar men jasóspirimder fýtbolyn kóp­shilikke dáripteý maqsatynda ót­ki­zilýde. Sharaǵa 2000-2001 jyl­­da­ry týǵan Astana qalasy­nyń jal­py bilim beretin mek­tep­teriniń 80 oqýshysy qatysý­da. Týr­nırdiń ashy­lý saltana­tyn­da komanda­lar­dy «Qaz Mu­naıGaz» AQ bıznesti qoldaý jó­nin­degi bas­shy menedjeri Serikbek Elshibekov, Qazaqstan Fýtbol federa­sııasynyń atqarýshy dı­rektory Álııa Dúısekeeva  jáne basqalar quttyqtady. Bıylǵy jyly mundaı týrnırler QMG enshiles kompanııalary «QazTransGaz» AQ jáne «Qaz- Trans­Oıl» AQ qoldaýymen Shym­kent jáne Pavlodar qalalary mektep oqýshylarynyń arasynda da ótkiziledi. Qalalyq jarystarda birinshi jáne ekinshi oryn alǵan komandalarǵa respýblıkalyq fı­nalǵa joldama beriledi. Bul týrnırlerdi «QazMunaıGaz» UK kóp qyzmetti sport alańdarynda ót­ki­zý josparlanýda. Qurylys baǵ­dar­la­ma­syna sáıkes 2010 jyly QMG já­ne onyń enshiles kompa­nııa­lary – 29, Astana qalasynda – 10, Mańǵystaý oblysynyń Jańaózen qalasynda – 10, Shym­kentte – 3, Pavlodarda  5 sport alańynyń qu­rylysyn aıaqtady. Bıylǵy jy­ly Almaty qalasynda – 5, elimizdiń basqa da aımaqtarynda 15 sport ala­ńyn salý jospar­la­nyp otyr. Sport alańynyń qu­rylysyna qoldanylatyn materıaldar men tehnologııalar ekolo­gııa­lyq, sa­nı­tarlyq-gıgıenalyq, órtke qar­sy jáne basqa da erejeler men talaptarǵa saı keledi já­ne sport­tyq jamylǵyny kási­bı túrde ornatý kózdelýde. Fýtbol alańyndaǵy jasandy kógal FIFA jáne UEFA-da sertıfı­kat­talyp, attestasııalaýdan ótken. Qalalyq týrnırde jeńimpaz atanǵan, ekinshi jáne úshinshi oryn alǵan komandalar «Qaz­MunaıGaz» kýbogymen, dıplomdarmen jáne tıisti dárejedegi  me­daldar jáne estelik syı­lyq­­tarmen marapattalady.