Jastarǵa qamqorlyq – keleshek qamy

Bir top stýdentter tegin bilim alý grantyna ıe boldy Jetisý jerinde 508 myńnan astam jas bolsa, onyń 395 myńy aýylda, 113 myńy qalada turyp, týǵan jerdiń gúldenýine óz úles­terin qosýda. Osy alyp kúshti qoǵamnyń bolashaǵyna talǵampaz­dyqpen baǵyttaý úshin jandy qamqorlyq pen nátıjeli jumys qajettigi túsinikti. Jalpy jastarǵa, onyń ishinde áleýmettik jaǵynan jetkiliksiz qamtylǵan otbasylaryndaǵy, jetim jáne jartylaı jetim bala­lar­dyń joǵary oqý oryndarynda bilim alýyna jaǵdaı jasaýdyń máni zor desek, Elbasy jyl saıynǵy Joldaýlarynda naqty tapsyrma berip keledi. Osyǵan oraı 2006 jyldan beri oblys ákiminiń granty taǵaıyndalyp, osy aralyqta 470 stýdenttiń tegin bilim alýyna bıýdjetten 192,4 mln. teńge jumsalypty. Búgingi kúni olardyń 63-i oqýyn aıaqtap, mamandyqtary boıynsha túrli salada eńbekterin jalǵastyrǵan. Bıyl osyndaı 354 stýdenttiń qalaǵan mamandyqtary boıynsha tegin bilim alýyna 80,6 mln. teńge bólinse, Ilııas Jansúgirov atyn­daǵy memlekettik ýnıversıtette ǵana 164 jas ártúrli mamandyq boıynsha bilimderin tolyqty­rýda. Oqý ornyndaǵy 6 fakýltette 6,5 myń stýdent oqıdy desek, olardyń qatarynda arnaıy grantpen oqýyn jalǵastyrǵan stýdentterdiń bolýy, árıne, úlken qýanysh. – Ulttyq biryńǵaı testileýden 88 ball jınaǵanymmen memlekettik grant ıegeri bola al­madym. Anam ekinshi toptaǵy mú­ge­dek, ákem joq. Oblys ákiminiń granty bar ekenin estip, qujat­tarymdy tapsyrdym. Sóıtip, maq­satyma jetip, qýandym. I.Jansúgirov atyndaǵy Jetisý memlekettik ýnı­versıtetiniń 1 kýrs stýdentimin, – degen Áıgerim Shansharbaeva da qýanyshyn jasyrmady. Elbasynyń bıylǵy dástúrli Joldaýynda «О́mir boıy bilim alý» árbir qazaqstandyqtyń jeke kredosyna aınalýy tıis» dep atap kórsetildi. El bolashaǵy jastardyń oıy da, boıy da taza, sulý, symbatty, parasatty bo­lyp ósýine eki jaqtaǵy baı­lanystyń áseri mol ekendigine kóz jetti. Kúmisjan BAIJAN, Almaty oblysy.