Dárigerler Izraılge attandy

Oblys boıynsha bes kardıolog jáne bes onkolog dáriger biliktiligin kóterý úshin Izraılge júrip ketti. Júrek-qan tamyr­lary aýrýlarynan bolatyn ólim-jitimniń eń tómen kórsetkishi  Izraılde jáne bul elde qaterli isikke shaldyqqan aýrýlardyń  úl­ken paıyzy  hımııalyq terapııa alǵan­nan keıin aman qalady eken. Al mamandardyń aıtýynsha, Qos­ta­naı óńirinde bul naýqastan bola­tyn adam shyǵynynyń kór­setkishi áli de joǵary. Sondyq­tan, oblys ákimi Sergeı Kýla­gın­niń qoldaýy­men Qostanaı jáne Lısakov qala­laryndaǵy aýrýhanalardan on dári­ger Iz­raıldiń  em­deý oryn­da­rynda biliktiligin kóteretin bolady. Kardıolog jáne onkolog ma­mandardyń bul sapary úshin ob­lys bıýdjetinen 13 mıllıon teń­ge bólindi. Dárigerler biliktiligin kóterýge oblysta alǵash ret osyn­daı qomaqty qarjy qarastyry­lyp otyr. – Biliktilikti kóterý úshin eki apta onshalyqty kóp ýaqyt ta bolmaýy múmkin. Olar Izraılden kele salyp,  jańa teh­nolo­gııa­ny birden  tájirıbelerine en­­gize salady degen túsinik tý­maýy kerek. Medısınasy alǵa damyp ket­ken elde adamdardyń densaý­lyǵyn kútýi, dárigerler­diń pasıenttermen jumys isteýi, naý­qas­tardyń mentalıteti – bar­lyǵy da  bizden bólek. Bizdiń dárigerler sonyń barlyǵyn da baqylaıdy, múmkindiginshe ozyq tájirıbeni úırenedi. Olar kelgen soń túıgen tájirıbeni árip­testerine úıretedi. Dáriger mádenıeti degenge de mán bermeımiz. Al bizge túsetin aryz-sha­ǵymnyń basym kópshiligi dá­rigerlerdiń naýqas pen olardyń týystaryna ýaqyt jáne olar­dyń kóńilin jubatardaı durys  sóz taba  almaýy týraly bo­lady, – deıdi oblystyq  densaýlyq saqtaý bas­qarmasy bastyǵynyń orynba­sary Gúlshat Baı­ju­manova. Názıra JÁRIMBETOVA, Qostanaı.