2011 jylǵy 21 aqpan №29-OD Astana qalasy
Qazaqstan Respýblıkasy Jer resýrstaryn basqarý agenttigi Tóraǵasynyń «Búlingen jerlerdi qalpyna keltirý jobalaryn ázirleý týraly nusqaýlyqty bekitý týraly» 2009 jylǵy 2 sáýirdegi № 57-P buıryǵyna ózgerister men tolyqtyrý engizý týraly
Qoldanystaǵy zańnamaǵa sáıkes keltirý maqsatynda, buıyramyn:
1. «Búlingen jerlerdi qalpyna keltirý jobalaryn ázirleý týraly nusqaýlyqty bekitý týraly» Qazaqstan Respýblıkasy Jer resýrstaryn basqarý agenttigi Tóraǵasynyń 2009 jylǵy 2 sáýirdegi № 57-P buıryǵyna (Normatıvtik quqyqtyq aktilerdi memlekettik tirkeý reestrinde № 5689 tirkelgen, «Zań gazeti» respýblıkalyq kúndelikti gazetinde 2009 jyldyń 3 shildesinde № 100 (1694) jarııalanǵan) mynadaı ózgerister men tolyqtyrý engizilsin:
atalǵan buıryqpen bekitilgen Búlingen jerlerdi qalpyna keltirý jobalaryn ázirleý týraly nusqaýlyǵynda:
5-tarmaǵynda:
1) tarmaqshasynda «jerge quqyq berý týraly jerge ornalastyrý jobasyn ázirleýmen bir ýaqytta» degen sózder «jer ýchaskesin berý týraly jergilikti atqarý organdardyń sheshimi qabyldaǵannan keıin jáne jer búlinýine baılanysty jumystardyń bastalýyna deıin» degen sózderge aýystyrylsyn;
2) tarmaqshasynda «Qazaqstan Respýblıkasynyń Jer kodeksiniń 43-babynyń 2-tarmaǵyna sáıkes qurylatyn komıssııanyń qorytyndysy qabyldanǵannan keıin» degen sózder «jer ýchaskesin berý týraly jergilikti atqarý organdardyń sheshimi qabyldanǵannan keıin jáne jer búlinýine baılanysty jumystardyń bastalýyna deıin» degen sózderge aýystyrylsyn;
mynadaı mazmundaǵy abzaspen tolyqtyrylsyn:
«Búlingen jerlerdi qalpyna keltirý jobalaryn ázirleý merzimi, paıdalanýy jerdiń búlinýine baılanysty bolǵan jaǵdaıda, jer ýchaskesin berý nemese nysanaly maqsatyn ózgertý týraly jergilikti atqarýshy organdardyń sheshiminde bekitiledi.».
2. Qazaqstan Respýblıkasy Jer resýrstaryn basqarý agenttiginiń Jerdi paıdalaný men qorǵaýdy memlekettik baqylaý, memlekettik jer kadastry jáne jer monıtorıngi departamentiniń jerdi paıdalaný men qorǵaýdy memlekettik baqylaý basqarmasy osy Buıryqtyń zańnamada belgilengen tártipte Qazaqstan Respýblıkasy Ádilet mınıstrligine memlekettik tirkeýge joldanýyn qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Jer resýrstaryn basqarý agenttigi Tóraǵasynyń orynbasary K.О́. Raıymbekovke júktelsin.
4. Osy buıryq alǵash ret resmı jarııalanǵannan keıin on kúntizbelik kún ótken soń qoldanysqa engiziledi.
Tóraǵa О́. О́ZIBEKOV.
«Kelisildi»
Qazaqstan Respýblıkasy Densaýlyq saqtaý mınıstri ___________ S. Qaıyrbekova
2011 jylǵy 3 naýryz
«Kelisildi»
Qazaqstan Respýblıkasy Premer-Mınıstriniń orynbasary Qazaqstan Respýblıkasy Indýstrııa jáne jańa tehnologııalar mınıstri ___________ Á. Isekeshev
2011 jylǵy 1 sáýir
«Kelisildi»
Qazaqstan Respýblıkasy Qorshaǵan ortany qorǵaý mınıstri ___________ N. Áshim
2011 jylǵy 31 naýryz
Qazaqstan Respýblıkasy Munaı jáne gaz mınıstri ___________ S. Myńbaev
2011 jylǵy 28 aqpan
Buıryq Qazaqstan Respýblıkasynyń Ádilet mınıstrliginde 2011 jylǵy 25 sáýirde Normatıvtik quqyqtyq kesimderdi memlekettik tirkeýdiń tizilimine №6901 bolyp engizildi.