Jerebe bizge joldas

Jaqynda fýtboldan Chempıondar lıgasy men Eýropa lıgasynyń bıylǵy maýsy­my­nyń jerebesi tartyldy. Chempıondar lıgasynyń ekin­shi kezeńinen bastap jarysqa qa­tysatyn byltyrǵy el chempıony Qostanaıdyń «Tobyl» komanda­sy­nyń joly Slovakııanyń «Slo­van» klýbymen túıisti. Osy kezge deıin ózara kezdespegen komandalar endi 12 nemese 13 shilde kún­deri áýeli Bratıslavada, odan keıin 19 nemese 20 shilde kúnderi Qos­tanaıda qarymta kezdesý ótki­zetin bolady. Qostanaılyq komandanyń qarsylasy 1919 jyly quryl­ǵan. 1939-1944 jyldary Slo­vakııanyń 4 ret, 1945-1992 jyl­dar aralyǵynda Cheho­slo­v­a­kııa­nyń 8 ret chempıony atanǵan. 1962-1982 jyldar aralyǵynda 5 ret el kýbogyn jeńip alǵan. Sodan keıin Chehoslovakııa ekige bólinip, Slovakııa táýelsizdigi­niń alǵashqy jyldary «Slovan» 3 ret kýbokty jeńip alsa, 1994 – 1996 jyldary sýper ký­bokty basyna kótergen. 1993 jyldan beri Slovakııanyń 5 ret chempıony bolǵan. Qazir komanda IIFHS reıtınginde 191-shi orynda tur. «Slovan» oıyndaryn 30 myń­nan astam adam syıatyn «Tegelne pole» stadıonynda ótkizedi. Osy kúnderi stadıon kúrdeli jóndeý­den ótip jatqandyqtan, komanda qarsylastaryn 13 myń kórermen­ge arnalǵan «Pasıenkı» stadıo­nyn­da qabyldap júr. «Tobyldyń» qazirgi oıyn­da­ry­na qarap, «Slovan» oǵan ońaı shaǵylatyn jańǵaq bolmaıtyny sózsiz. Slovakııa klýbyn jeńip, Chempıondar lıgasynyń kelesi ke­zeńine ótse, qostanaılyq komanda úshin jaman bolmas edi. «Slovan» ótken jyly irikteý týrnıriniń úshinshi kezeńine shyqqan. Al Eýropa lıgasynyń ekinshi irikteý týrnırinen bastap jarys­qa qatysatyn byltyrǵy kúmis júl­deger «Aqtóbeniń» qarsylasy Vengrııanyń «Kechkemet» klýby boldy. Bul komanda da ótken ǵa­syr­dyń basynda qurylǵan. Degenmen, klýbtyń jasy bıyl 100-ge kelse de, uzaq jyldar ol úshin­shi jáne ekinshi dıvızıonda oına­ǵan. 2008 jyly ǵana joǵary dıvızıonda oınaýǵa múmkindik al­dy. Komanda bıyl óz tarı­hyn­daǵy úlken jetistikke jetti. El kýbogyn jeńip aldy. Odan buryn 2007-2008 jyldary ekinshi dıvızıonnyń jeńimpazy bol­sa, 1945-1995 jyldar ara­ly­ǵyn­da tórt ret úshinshi dı­vızıon­nyń bas júldesin ıelengen. «Aq­tóbe» men «Kıchkemet» ko­man­dalarynyń oıyn­dary 14 jáne 21 shilde kúnderi ótedi. Qaraǵandynyń «Shahteri» Slo­­venııanyń «Koper» koman­da­symen kezdesetin bolyp otyr. Bul komanda byltyrǵy el chem­pıonatynyń qola júldegeri atan­ǵan. Al 2010 jyly ol Slovenııa chempıonatyn jeńip, osy kezge deıin el chempıony atan­ǵan 5 komandanyń qataryna kirgen. Komanda 1955 jyly qu­ryl­ǵan. «Shahter» men «Koperdiń» alǵashqy oıyny Slovenııada 30 maýsym kúni ótse, qarymta kezdesý 7 shilde kúni ótedi. Kelesi bizdiń bir komanda­myz­dyń qarsylasy – Pol­sha­nyń «Iаgellonııa» klýby. Bul komanda «Ertisti» óz alańynda 30 maýsym­da qabyldasa, 7 shilde kúni Pav­lo­darǵa «qonaqqa» keledi. «Iаgellonııa» bıylǵy Pol­sh­a chempıo­na­tynda tórtin­shi oryndy ıelendi. Dastan KENJALIN.