Adam aǵzasyna qajetti azyq-túlik túrleriniń qatarynda súttiń alatyn orny erekshe. Tabıǵı dárýmenderge baı súttiń ózinen ǵana qanshama dastarqan mázirin jaınatyp jiberetin taǵam túrleri jasalady. Qazirgi dúken sórelerindegi shetelden jetkiziletin osyndaı ónimderdi ózimizde jasalǵan dámdi taǵam túrleri ysyra bastady. Bul árıne úlken jetistik, ári básekege qabilettiliktiń alǵysharty deýge bolady.
Taldyqorǵan qalasynyń shetine ornalasqan ekologııalyq jaǵynan tabıǵı taza ónim óndiretin «GSR Lactik ltd» kásipornynyń tynys-tirshiligi quptarlyq. О́ndiris orny 2008 jyldan beri dámdiligi men sapasy jaǵynan tutynýshy kóńilinen shyǵyp, suranysty arttyratyn taǵam túrlerin shyǵaryp, ýaqyt ozǵan saıyn tájirıbelerin tolyqtyryp otyr. Alǵashqy jyldary sút, aıran, qaımaq qana ázirlense, endi qatyq, kilegeı, súzbe, sary maı, ıogýrttyń tórt, irimshik, syrdyń 30-ǵa tarta túrlerin daıyndaýda. О́nim arnaıy zerthanada tekserýden ótip, sapasy qatań qadaǵalanady. О́nim saqtaıtyn tońazytqysh ta jumys isteıdi.
Daıyn ónimder óńirdiń túkpir-túkpirine úzdiksiz jóneltilýde. Taldyqorǵan men Almaty qalasyndaǵy arnaıy núkteler arqyly shaharlyqtardyń azyq-túlikke degen suranysyn qanaǵattandyryp, saýdalanýda. Sút ónimderin ázirleýge qajetti eskirgen qondyrǵylar tutastaı jańartylýda. Sondaı-aq, óndiris zaman talabyna saı keńeıtilmekshi. Keleshekte ónim kólemin otyz bes tonnaǵa deıin jetkizý kózdelgen. Ásirese, balalarǵa arnalǵan dárýmenge baı órik-meıiz qosylǵan taǵam túrlerin shyǵarý qolǵa alynbaqshy. Negizgi shıkizat sútti aýyl sharýashylyǵymen aınalysatyn sharýa qojalyqtarynan jınalady eken.
– Kóbine súttiń jetkiliksizdiginen óńir halqyn túgeldeı óz ónimderimizben qamtamasyz ete almaı otyrmyz. Maqsat sútti mol beretin asyl tuqymdy saýyn fermasyn ashý. Sonda oılaǵan mindetter tolyq júzege asyrylady, – deıdi bas ınjener Naýryz Oryndybaev.
Qazir kásiporynda 70-ten astam adam jumyspen qamtylsa, olardyń qaıtarymdy eńbek etýine barlyq jaǵdaı bar. Máselen, joǵary oqý ornyn bitirgen jas mamandardy jumystyń qyr-syryn biletin, tehnıkany jetik meńgergen tájirıbeli jandar qamqorlyqqa alýda.
Utymdy uıymdastyrylǵan jumys nátıjesinde eńbek ónimdiligi artýda. Máselen, bastapqyda kúnine jarty tonnaǵa jýyq ónim óndirilse, qazirgi kezde bul kórsetkish jıyrma bes tonnadan asyp tústi.
Kásiporyn ujymy Qazaqstan Respýblıkasy Prezıdentiniń «Sapa salasyndaǵy jetistikteri» konkýrsy men respýblıkalyq «Altyn sapa» kórmesinde belsendilik tanytyp, «Alǵys hatpen» marapattalypty. Aýyl sharýashylyǵyn damytýda qosqan úlesterimen kásibı sheberligi, joǵarǵy óndiristik kórsetkishteri úshin ár kezde aldyńǵy oryndardan kóringen.
Halqymyzdyń salt-dástúrin alǵa aparǵan kásiporynnyń Elbasy Joldaýyn qyzý qýattaıtyny anyq ańǵarylady. Ádemi qapshyqtardaǵy daıyn ónim tutynýshyǵa osylaı tolassyz jol tartýda. Bul otandyq kásiporyndaǵy otandyq ónim. Al, olardyń aldaǵy josparlary da kóp. Igi izdenis, eseli eńbek arqyly ony da júzege asyrýǵa bolatyndyǵy anyq.
Kúmisjan BAIJAN.
Almaty oblysy.