Baqyttymyz dep bilemin

Biz Mońǵolııadan atajurtymyzǵa egemendiktiń eleń-alań shaǵynda kó­ship kelgen edik. Tuńǵysh Prezıdentimiz Nursultan Nazarbaevtyń áý bastan ustanǵan saıasatyna oraı Semeı óńirin­degi aǵaıyndar bizdi qu­shaq ja­ıyp qarsy aldy. О́z basym mamandy­ǵyma oraı «Shaǵan» keń­sha­rynda bólimshe meńgerýshisi bolyp qyzmetke kiristim. Sóıte júrip, elge birge kelgen aǵaıyn­darǵa da bas bol­dym. Osyndaı qam­qorlyq nátı­je­sinde bárimiz de osy óńirge birjola turaqtap qaldyq. Qazirde ózim otbasymmen Semeı qala­synda turyp jatyrmyn. Syrt­tan kelgen oralmandarǵa memleket ta­ra­py­nan jasalyp jatqan qamqor­lyqtyń qaı-qaısynan bolsyn syrt qalǵan emespiz. Aıtalyq, aqshalaı, maldaı da kómek aldyq. Keıinnen on sotyq jer bó­lip berilip, oǵan úı turǵyzyp al­dym. Úsh balam da osynda kelgen soń jo­ǵa­ry jáne orta arnaýly oqý oryn­daryn bitirip, bir-bir mamandyq ıesi atandy. Búginde jaqsy eńbek etýde. Dúnıejúzi qazaqtarynyń IV qu­ryl­taıynda Elbasymyz ataly sóz aıt­ty. Endigi jerde toı toılaý emes, oı tol­ǵaýdyń kezi keldi. Soǵan oraı syrt­tan kelgen aǵaıyndar ózimizge el men Elbasy tarapynan jasalyp jatqan qamqorlyqqa ispen jaýap beretin ýa­qyt boldy dep bilemin. Balalarymnyń aldy óz paryzdaryn óteı bastaǵanyna da qýanyshtymyn. Iá, baqyt degen osy emes pe! Tábiltaı ShÁRIP, oralman. Semeı.