Elordada Premer-mınıstrdiń birinshi orynbasary Roman Sklıar tóraǵalyǵymen Ekologııa jáne tabıǵı resýrstar mınıstrliginiń alqa májilisi ótti. Jıynda 2025 jylǵy jumys qorytyndylanyp, 2026 jylǵa arnalǵan mindetter aıqyndaldy. Basqosý jańa Konstıtýsııa jónindegi respýblıkalyq referendým qarsańynda ótýimen de aıryqsha mánge ıe boldy, dep jazady Egemen.kz.
Alqa otyrysyna Parlament depýtattary, Prezıdent Ákimshiligi men Úkimet Apparatynyń jaýapty qyzmetkerleri, ortalyq jáne jergilikti atqarýshy organdar, kvazımemlekettik sektor men aýmaqtyq bólimshelerdiń ókilderi, sondaı-aq Mınıstrliktiń Qoǵamdyq keńesi músheleri qatysty.
Aıda Balaeva: Tarıhı-mádenı murany saqtaý konstıtýsııalyq qaǵıdattar deńgeıine kóterildi
Ekologııa – konstıtýsııalyq qaǵıdatKirispe sózinde Ekologııa jáne tabıǵı resýrstar mınıstri Erlan Nysanbaev qorshaǵan ortany qorǵaý, tabıǵı resýrstardy utymdy paıdalaný jáne molaıtý baǵytyndaǵy negizgi nátıjelerge toqtaldy. Jetekshilik etetin baǵyttar boıynsha vıse-mınıstrlerdiń esebi tyńdaldy.
О́z kezeginde Roman Sklıar alqa otyrysynyń tarıhı kezeńde ótip jatqanyn atap ótti.
«Konstıtýsııa jobasynyń usynylǵan redaksııasynda qoǵamnyń basty suranystarynyń biri – adam ómiri men densaýlyǵyna qolaıly orta qalyptastyrý, tabıǵatqa uqypty qaraýdy irgeli qaǵıdat retinde ornyqtyrý», dedi ol.
Bul ustanym ekologııalyq qaýipsizdikti memlekettiń strategııalyq basymdyǵy retinde bekitedi. Jańa konstıtýsııalyq negiz tabıǵatty qorǵaý isin júıeli jańǵyrtýǵa serpin bermek.
Sıfrlandyrý jáne qaldyqtardy basqarýQazir mınıstrlik qorshaǵan ortanyń jaı-kúıin baqylaý, qaldyqtardy basqarý, óndiristik shyǵaryndylardy monıtorıngileý, orman órtterin erte anyqtaý, orman qoryn esepke alý jáne ulttyq parkterge barýdy qadaǵalaý baǵytynda sıfrlyq jobalar keshenin iske asyryp jatyr.
Mańyzdy mindettiń biri – jeke ınvestısııalardy tarta otyryp, qaldyqtardy basqarý júıesin damytý. Bul salada ınfraqurylymdy jańǵyrtý men qaıta óńdeý úlesin arttyrý kózdelgen.
О́ńirlik ekologııalyq sammıt: Ortalyq Azııaǵa ortaq jaýapkershilikMemleket basshysy Qasym-Jomart Toqaev BUU Bas Assambleıasynyń 78-sessııasynda bıyl elimizde О́ńirlik ekologııalyq sammıt ótkizý bastamasyn kótergen bolatyn.
Aldaǵy sammıt memleketter men úkimetter basshylaryn, halyqaralyq seriktester men sarapshylardy bir alańǵa jınap, Ortalyq Azııa elderiniń óńiraralyq yntymaqtastyǵyn jáne jahandyq klımattyq kúsh-jigerge qosqan úlesin aıqyndaýǵa tıis.
«Taza Qazaqstan» jáne ormandy ulǵaıtýPrezıdenttiń «Taza Qazaqstan» bastamasy aýqymdy jalpyulttyq qozǵalysqa aınaldy. Aýmaqtardy tazalaý aksııalarynan bastap ekologııalyq mádenıetti arttyrýǵa baǵyttalǵan aǵartýshylyq jobalarǵa deıingi sharalar júıeli túrde júzege asyrylyp keledi.
El boıynsha 2 mıllıard aǵash otyrǵyzý jáne orman alqabyn 14,5 mln gektarǵa deıin ulǵaıtý jónindegi jumystar qarqyndy jalǵasyp jatyr. Degenmen, jerdiń degradasııasy men shóleıttený máselesi áli de ózekti.
Bul túıtkildi sheshý úshin jel erozııasyn tómendetý, qum alqaptaryn bekitý jáne jaıylymdardy qalpyna keltirý maqsatynda qorǵanysh orman beldeýleri men tosqaýyl ekpeler júıesin qurý kózdelgen.
Orman órtterine qarsy – jasandy ıntellekt2025 jyly Premer-Mınıstr eń qaýipti 24 orman jáne tabıǵatty qorǵaý mekemesinde órtti erte anyqtaý júıesin engizý jóninde naqty tapsyrma bergen edi. О́tken jyly atalǵan júıe 2,2 mln gektar aýmaqty qamtydy.
Júıege jasandy ıntellekt ıntegrasııalanyp, derekter jedel basqarý ortalyǵyna avtomatty túrde jetkiziledi. Aǵymdaǵy jyldyń sońyna deıin órt qaýpi joǵary ormandardyń 5,4 mln gektaryn tolyq qamtý josparlanyp otyr.
2026 jylǵa mejelengen mindetterAlqa otyrysynda 2026 jylǵa arnalǵan basym baǵyttar naqtylandy. Atap aıtqanda:
ekologııalyq qaýipsizdikti kúsheıtý;
bıoártúrlilikti saqtaý;
jaýapty ári jasampaz patrıotızmdi ilgeriletý;
joǵary ekologııalyq mádenıet qalyptastyrý.
Jańa Konstıtýsııada bekitiletin ekologııalyq qaǵıdattar osy mindetterdiń quqyqtyq negizin nyǵaıtady. Tabıǵatty qorǵaý – tek salalyq saıasat emes, ulttyq qaýipsizdik pen urpaq aldyndaǵy jaýapkershiliktiń ólshemi.
Jańa Konstıtýsııa – ornyqty ekonomıkalyq ósimniń irgetasy: Oljas Bektenov Investısııalyq ahýal jónindegi keńes ótkizdi