Astanada 21 aqpannan bastap úsh jańa marshrýt baǵyty ashylady. Bul týraly City Transportation Systems kompanııasy málimdedi, dep jazady Egemen.kz.
№67 marshrýt – «Yryskeldi Qajy» meshiti – «Prıgorodnyı» turǵyn alaby («Orman park» TK) arqyly júredi. Buqar jyraý kóshesiniń kólik qyzmetin jaqsartyp, Q. Qaısenova kóshesiniń jańa ýchaskesin qoǵamdyq kólikpen qamtıdy.
№74 marshrýt – «Altyn Besik» turǵyn úı kesheni – «Dostar-1» turǵyn úı kesheni baǵytymen qozǵalady. Sh. Aıtmatov jáne Uly dala kósheleriniń jańa bólikterin qamtyp, Áıteke bı kóshesine qosymsha kólik qatynasyn qamtamasyz etedi.
Jambyl oblysynda avtobýs pen kólik soqtyǵysyp, jolaýshy qaza tapty
№76 marshrýt – «Alaı» – «Jeleznodorojnyı» turǵyn alabyn qamtyp, A. Pýshkın kóshesi boıyndaǵy qoǵamdyq kólik qyzmetin kúsheıtip, «Jeleznodorojnyı» turǵyn alabyn saýda nysandarymen tikeleı baılanystyrady.
«Syǵanaq kóshesi men Áıteke bı kóshesiniń qıylysynda baǵdarsham ornatylyp, retteletin jolaıryq uıymdastyrylǵanǵa deıin №74 marshrýt ýaqytsha ózgeredi. Q. Muhamedhanov kóshesi baǵytyna qaraı qozǵalys Ánet baba kóshesi arqyly júzege asyrylady. Qaıtar baǵytta bekitilgen syzbaǵa sáıkes Áıteke bı kóshesimen qatynaıdy. Qala turǵyndarynan engizilgen ózgeristerdi eskerip, saparlaryn aldyn ala josparlaýdy suraımyz», delingen kompanııa habarlamasynda.
Avtobýs parki jańartyldy