Búgin Taraz qalasynda «Aýyl» partııasy Jambyl oblystyq fılıalynyń músheleri arasynda «Konstıtýsııalyq reforma – saıası jańǵyrý faktory» taqyrybynda pikirtalas ótti. Kún tártibindegi negizgi másele retinde jańa Konstıtýsııa jobasy boıynsha aldaǵy referendýmdy ótkizý máselesin talqylandy, dep jazady Egemen.kz.
Moderator retinde «Aýyl» partııasy Ortalyq apparaty basshysynyń orynbasary Aıgerim Sarsenbaeva sóz sóılep, konstıtýsııalyq jobany talqylaý barysynda pikir almasýǵa jáne ortaq sheshimder ázirleýge basa nazar aýdarý qajettigin atap ótti.
Otyrysty ashqan zańger, Parlament Májilisindegi «Aýyl» partııasy fraksııasy apparatynyń jetekshisi Jazıra Sultanqulova demokratııalyq ınstıtýttardy damytý tek zańnamany jetildirýmen shektelmeıtinin, sonymen qatar qoǵam músheleriniń erkin pikir bildirýine jaǵdaı jasaýmen tikeleı baılanysty ekenin aıtty.
Almaty jastary men IT qaýymdastyq konstıtýsııalyq reformany qoldaıdy
Saıasattanýshy Daýren Pirimbetov reformalardy tabysty júzege asyrýda qoǵam belsendiligi sheshýshi ról atqaratynyn, al azamattyq birlestikter men sarapshylardyń qatysýy halyq múddesin barynsha dál jetkizýge múmkindik beretinin jetkizdi.
Sonymen qatar is-sharaǵa Sh. Murtaza atyndaǵy Halyqaralyq Taraz ýnıversıtetiniń «Ekonomıka jáne bıznes» fakýltetiniń dekany Jaras Qýatbekov, Parlament Májilisindegi «Aýyl» partııasy fraksııasy apparaty basshysynyń orynbasary Aıda Jabaǵıeva qatysyp, óz pikirlerin bildirdi.
Konstıtýsııalyq reforma: Senatorlar óńirlerge barady
Baıandamalardan keıin qarastyrylyp otyrǵan taqyryp boıynsha pikir almasýǵa baǵyttalǵan talqylaý sessııasy ótti.
Kezdesý qorytyndysy boıynsha qatysýshylar ortaq tujyrymǵa keldi: jańa Konstıtýsııa – qaýipsiz, ádiletti jáne turaqty damıtyn memlekettiń berik irgetasyn qalaýǵa múmkindik beretin strategııalyq tańdaý.
Konstıtýsııalyq reformanyń tarıhı mánine taldaý jasaldy