Elordaǵa estelik

Egemen elimizdiń barlyq óńirlerindegi jurt elorda­nyń 13 jyldyq merekesin erekshe kóterińki kóńilmen atap ótýde. 13 jyl degen kóp pe, az ba? Qalaı bolǵanda da osy bir múshel jas ishinde Astana qalasy Qazaqstan­nyń jahandyq brendine aı­nalyp, dúnıedegi eń ásem de, jas qala retinde tanylýda. Astana – táýelsizdik perzenti. Astana – jańa álemdegi jańa Qazaq­stannyń jarqyn beınesi. Astana – dúnıejúzilik sahnada Beıbitshilik pen Kelisim ordasy. Astana – Batys pen Shyǵysty baılanys­ty­ryp jatqan altyn kópir. Aqor­daly Astananyń Bas sáý­letshisi – Elbasy Nursul­tan Nazarbaev­tyń: «Astana – Ota­nymyzdyń júregi, Táýel­sizdigimizdiń tiregi», degen qa­natty qaǵıdasy bar­lyq qa­zaqstandyqtardyń júregine nur shýaǵyn quıady. Búgingi Bas qalamyzdyń mú­shel merekesinde bir top zııaly qaý­ym ókilderiniń Astana qala­syna degen júrek­jardy lebizderin jarııalap otyrmyz. * * * О́mirbek BAIGELDI, Parla­ment Senatynyń depýtaty. Búgingi Saryarqanyń kindik tu­syna oryn tepken Astana – ja­ńa ǵasyrdyń passıonarlyq týyn­dysy. Bul Qazaq halqy­nyń keleshektegi jarqyn bet-beı­nesi, on­yń turaqty órken­dep, ósýiniń kepili. Osyndaı taǵ­dyr syılaǵan zor múmkin­diktiń ıesi bolǵan bú­gingi urpaq baqytty. Bular myń­jyl­dyq­tar toǵy­syn­daǵy jańa rý­­hanı týyndynyń irgesin qalaý­shy­lar retinde tarıhta qalary sózsiz. Álem tanyǵan elordanyń sha­­ńyraǵy bıik bolǵaı! Tóregeldi ShARMANOV, Qazaq Taǵamtaný akademııasynyń prezıdenti, UǴA akademıgi. Astana búginde Qazaqstan deń­geıinde qolǵa alynǵan shara­lardyń shyn mánindegi orasan ordasyna aınaldy. Máselen, eldi damytýǵa qatysty ártúrli klasterdiń qatarynda medısına klasteri bar. Astananyń osy mú­shel merekesi qarsańynda El­ba­sy Nursultan Nazarbaev TMD-da teńdesi joq taǵy bir medı­sı­nalyq keshen – Kardıolo­gııa­lyq ǵylymı-zertteý ortaly­ǵynyń tusaýyn kesti. Bo­lashaqta Qazaqstan halqy densaýlyǵyn túzeý já­ne basqa sharalar úsh­in at arytyp, alys shetelderge bar­maı­tyn múm­kin­dik týdy. Nurjamal ÚSENBAEVA, Qazaqstannyń halyq ártisi. Árıne, Astana týraly kóp tolǵaýǵa bolady. Kezindegi oblys ortalyǵy bolǵan sha­ǵyn qala az ýaqyttyń ishinde adam tanymastaı ózgerdi. Astana bolǵaly arhıtektýralyq aıshyǵy kúrt ózgerip, kórse kóz sengisiz kórkem shaharǵa aınaldy. Elimizdiń jas astanasy týraly búginde shet memleketter de jaqsy biledi. Olar elordamyzdyń damý qarqynyna, kelbetine tánti. Táýelsiz Qazaqstan týrasynda, elordamyz jóninde shetel­dikterdiń jyly lebizi meni de qýantyp, júregime elime degen maqtanysh sezimin uıalatady. Amanjol BО́LEKBAEV, Parlament Senatynyń depýtaty. Astana – meniń týǵan qalam. Barlyq sanaly ǵumy­rym osy qalamen tyǵyz baı­lanysty. Búginde jıyrma birinshi ǵasyrdyń eń jas asta­nasy keleshekke batyl qol soz­dy. Qazaq eliniń aıbyny asqaq­tap, Astana tórtkúl dúnıe tamsanǵandaı ǵajaıyp qalaǵa aınalyp keledi. Sondyqtan, keleshekte elordamyzdyń Eý­ra­zııalyq keńistiktegi úlgili astanaǵa aınalatynyna senimim mol. Buryndary sheteldikter bizdi reseıliktermen sha­tas­tyrsa, endi «Qazaqstan, Astana, Nazarbaev» dep, bas qalamyzdy álem tanyp, syı-qurmetke bólep jatyr. Seken TURYSBEKOV, kúıshi, Qazaqstannyń eńbek sińirgen ártisi. Memlekettiń Astanasyn ardaqtaý, onyń jaqsylyǵyn asyrý qaı kezde de bolǵan. Bola beredi. Eliniń erteńin oı­laǵan patshanyń bir armany týǵan halqy úshin úlken shahar ornatý bolsa kerek. Bizdiń elimizdiń maqtanyshy bolyp, Saryarqa tósinde adam aıtsa nanǵysyz ásem qala boı kóter­di. Kelbetine kóz tastasań, dos súısinip, dushpan kúıinetindeı. Mádenıeti deısiz be, óneri, sáýleti deısiz be, qatar órken­dep, damý qarqyny jaǵynan álem jurtshylyǵynyń ózin tańdandyryp otyr. Hıý PIRMAN, brıtandyq arhıtektýra synshysy. (Anglııa). «Álem pıramıdasy»: dala tósindegi jańa elordada sa­lyn­ǵan orasan zor pıramıda, ol qazirgi zamanǵy álem ke­re­metiniń biri bola alady. Ǵımarat búkil álemdegi beı­bitshiliktiń, zorlyq-zomby­lyq­tan bas tartýdyń, adam­dar­dyń senimi men teńdigin nyǵaı­tý­dyń nyshany bolady dep josparlanýda. Osyndaı ǵımarat salýǵa tapsyrys berý úshin Qazaqstan Prezıdenti Nur­sultan Nazarbaev bolý kerek. Egor KONChALOVSKII, kınorejısser. (Reseı). Men astanalyqtarǵa gúl­denýdi tileımin, sebebi, As­tananyń órkendegeni – eldiń órkendegeni ǵoı. О́z basym Qazaqstanǵa beıjaı qaraı al­maımyn, ony ózimniń Otanym dep sanaımyn. Qazaqstanda ájem turady. Men Astana men Qazaqstannyń basqa da qalalarynyń turǵyndaryna barsha jaqsylyqty, ty­nysh­­tyqty tileımin. Astanadan eldik pen tynysh­tyq lebi esedi. Asta­na­nyń qazirgi kelbeti orasan kúsh-jigerdiń arqasynda keldi. Endeshe, bola­shaq ur­paq sony baǵalaı bilse ke­rek-ti!