RAHMET!
Uly dúbirli Astana toıynyń qarsańynda redaksııa poshtasyna elimizdiń ár túkpirindegi qazaqstandyqtardan alǵysqa toly hattar kelip túsýde. Ol hattar santúrli taqyrypty qozǵaǵanymen, ortaq túıini bireý. Adamdar Qazaqstannyń qazirgi damý baǵytyna, jetken jetistikterine rızashylyqtaryn bildiredi. Kópke ortaq sol shapaǵattyń jemisin jeke bastarynyń da kórip jatqandyǵyn aıtady.
Kóptegen hat ıeleri osy jetistikterdiń barlyǵyn Elbasynyń elimizde júrgizip jatqan sarabdal saıasatynyń jemisi retinde baǵalap, Memleket basshysyna aqjarma kóńilden týǵan alǵystaryn jetkizedi. Tómende solardyń birqataryn jarııalap otyrmyz.
____________________
QAMQORLYQTY TÚSINEMIZ
Biz – qoǵamnyń qarqyndy damý kezinde ómir súrýdemiz. Sol ómir talabyna saı adamdardyń is-áreketi, oılaý júıesi, bári de kúnnen-kúnge kúrdelenip, mazmuny tereńdeýde. Bul – qazirgi ǵylymı-tehnıkalyq progreske saı ómir talaby. Sońǵy kezderde oqý júıesi, ǵylym talaby jańa deńgeıge kóterildi. Onyń ústine túrli aqparattar óte kóp. Osyǵan sáıkes jahandyq oı kóbeıdi. Ár nárseni árkim ózinshe oılaıdy, qorytady. Bireýlerdiki qate, bireýlerdiki durys bolýy múmkin. Olarǵa eshkim mynaýyń durys, mynaýyń durys emes dep aıta almaıdy.
Sondyqtan osyndaı oılardyń toptalǵan, jınalǵan kezinde olardy ekshep, bir júıege keltirip, adamdardyń sanasyna durys baǵyt berý, sol sııaqty jastardy keleshekte yntaly etip tárbıeleýde ǵalymdardyń, oqytýshy-professorlardyń aldynda úlken jumys, atqaratyn is týyndaıdy. Árıne, ǵalymdar, oqytýshylar osyǵan ýaqyt bólip, eńbektenýleri kerek. Bul – kúndelikti istelip jatqan jumysqa qosymsha talap. Elbasymyzdyń, Úkimettiń bastamasyn qoldap, halyqqa túsindirýde bizdiń atqaratyn qyzmetimiz óte mańyzdy.
Elbasymyz osy kúndelikti qarapaıym eńbegimizdi baǵalap, bizdi qoldap, eńbekaqymyzdy kóterip jatqanyna rızashylyǵymyzdy bildiremiz. О́tken jyly ǵana jalaqymyz 25 paıyzǵa kóterilse, bıyl 30 paıyzǵa kóterilip otyr. Myńdaǵan oqytýshy-professorlar men ǵalymdar bul qamqorlyqty túsinip, halyqqa, qoǵamǵa qaltqysyz qyzmet etedi dep senemin.
Dosmuhamed KIShIBEKOV, UǴA akademıgi, Q.I.Sátbaev atyndaǵy QazUTÝ professory.
Almaty.