Men alystaǵy Altaı aýylynda turamyn. Ata-anam qatardaǵy eńbek adamdary. Ákem Elaman mádenıet qyzmetkeri. Aýyldaǵy mádenı-saıası sharalarǵa etene aralasyp júredi. Kishkentaı kezimde olardyń aýyz eki áńgimelerinen egemendik alǵannan bergi elimizdegi oń ózgerister jaıly estip óstim. Táýelsiz memleketimizdiń tabystaryn Elbasymyz Nursultan Nazarbaev esimimen baılanystyratynyna kýá boldym. Eseıe kele ózim de Nursultan atamnyń nurly júzin teledıdardan kórip, merzimdi basylymdardan oqyp, ultynyń qamyn jegen uly adam ekenine kóz jetkizdim.
Tym alysqa barmaı-aq, aýylymyzda, mektebimizde bolyp jatqan jańalyqtar kóz aldymyzda. Kúnnen kúnge turmys túzelip, kóptegen ıgilikterge qol jetkizip kele jatqanymyz óńirde aıqyn kórinýde. Árıne, osynyń bárin bala qııaldan ótkize kele, Elbasyǵa degen ińkárliktiń arta túskenin ózim de baıqamadym. Áıteýir, bul kisiniń nurly júzinen meıirim shýaǵy tógilip turatynyna tánti bolatynmyn. Múmkin ol kezde Elbasynan syılyq alamyn dep oılamaǵan da shyǵarmyn. Bári aıaq astynan boldy...
О́tken jyly Prezıdent Nursultan Nazarbaev halyqpen tikeleı efır arqyly júzdesedi degende biraz qobaljydym. Degenmen, táýekelge baryp, kompıýterim joq ekenin jetkizdim. Shyny kerek, meniń ótinishim Elbasyna jetetinine sene qoıǵan joqpyn. Nursultan atamnan syılyqqa kompıýter alǵanda, qýanyshymda shek bolǵan joq. Prezıdentke ótinishim jetkenine bir qýansam, meni balasynbaı úlken basymen kishipeıildilik tanytqan Nursultan atama rızashylyǵym sheksiz bolatyn.
Bul meni shyn máninde qanattandyrdy. Elbasynyń eljiregen kóńili men senimi men úshin úlken jaýapkershilik júkteıdi. Ázirshe meniń qolymnan keletini, sabaǵymdy jaqsy oqyp, tárbıeli-tálimdi bolyp ósý ekenin bilemin. Qazir oqý ozatymyn. Bolashaqta joǵary oqý ornyna túsip, jaqsy maman bolyp, elimniń erteńgi irgeli isterine óz úlesimdi qossam degen armanym bar. Men Nursultan Ábishulynyń deni saý bolyp, elin jańa bıikterge bastaı bersin dep tileımin.
Nurqanat QIIаQBAEV, A.S.Pýshkın atyndaǵy orta mekteptiń 9 synyp oqýshysy.
Aqtóbe oblysy, Baıǵanın aýdany.