«Jer – Teńiz – Aspan» yqpaldastyrylǵan ınvestısııalyq jobasynyń bir salasy – bizdiń ýnıversıtettiń sońǵy jyldary aty da, zaty da ózgerdi. Oǵan Elbasynyń qoldaýy men qamqorlyǵy tikeleı áser etti. Olaı deıtinim, táýelsizdik jyldary ishinde zaman talabyna saı qaıtadan qurylyp, en dalada erekshe sándi de záýlim ǵımarattar qalashyǵynyń paıda bolýy Nursultan Ábishulynyń osy jobany qoldap, qamqorlyq jasaýynan bastaldy.
Al ótken jyly Elbasy Mańǵystaý oblysyna jumys sapary kezinde bilim ordasyna kelip, jańa sıpattaǵy oqý ornymyzǵa oń baǵa berdi. Sol sapardan soń úlken júzý basseıni bar eki qabatty sport kesheni men stýdenttik jataqhana qurylysy bastalyp, qazir qarqyndy júrýde. Osy jyly ınjınırıng ortalyǵy men kitaphana qurylysy bastaldy.
Ýnıversıtetimiz búginde tolyqtaı halyqaralyq dárejege jetti deýge bolady. Olaı deıtinim, Reseı, Qytaı, Grýzııa, О́zbekstan, Túrkııa, Ázerbaıjan jáne Qyrǵyzstannan kelgen stýdentter bilim alýda. Bilim ordamyz qazirdiń ózinde Kýba, Iran, Polsha, Ázerbaıjan elshilerimen birlese jumys isteýge kelisim jasasýda.
Qamqorlyqqa oraı jetistikterimiz de barshylyq. О́tken jyly ordamyzda bolyp jastarǵa aq batasyn bergen Elbasy tilek jazatyn qurmet kitabyna: «Ýnıversıtet ujymyna bilikti kadrlar daıyndap, Mańǵystaý oblysynyń, eldiń ındýstrııalyq-ınnovasııalyq damýyna úles qosýyn tileımin. Qazirgi zaman talabymen ıgerip jatqan mamandyqtaryńyz elimizdiń kórkeıýine jumsalsyn! Ýnıversıtetterińizdiń jańa oqý ǵımaraty qutty bolsyn! N. Nazarbaev, 09.06.2010» dep lebiz bildirip edi.
Bizdiń maqsatymyz Táýelsiz Qazaqstannyń tuńǵysh Prezıdenti, jastardyń qamqorshysy Nursultan Ábishulynyń sol tapsyrmasyna saı eńbek etetin bolashaq ıelerin tárbıeleý bola beredi.
Ábdimútállip ÁBJAPPARULY, Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń rektory.
Aqtaý.