Jeneva kelisimine qatysýshy bolyp tabylatyn Qazaqstan 2015 jylǵa qaraı tolyqtaı jer ústinde habar taratýdyń sandyq formatyna kóshýge daıyndalýda.
Bul eldiń áleýmettik-ekonomıkalyq damýynyń basym baǵyty jáne onyń tıimdi bolýy úshin memleket tarapynan erekshe nazar bólinip otyrǵan mańyzdy mindet.
Bul týraly 8 shilde kúni Vena qalasynda ótken EQYU-nyń «Jańa BAQ-tarda pikir alýandyǵyn damytý» atty keńesinde QR Baılanys jáne aqparat vıse-mınıstri Nuraı Orazov málim etti.
Ol sondaı-aq kelesi jyly Astana, Almaty jáne Qaraǵandy qalalarynda sandyq habar taratý aımaǵy qurylatyndyǵyn habarlady.
2012-2013 jyldary sandyq efır Qazaqstannyń oblys ortalyqtary men shekara mańyndaǵy aýdandarynda jumys isteıdi, al 2015 jylǵa qaraı sandyq formatqa kóshý respýblıkanyń barlyq aýmaǵy boıynsha tolyq aıaqtalady, dep habarlady «QazAqparat» agenttigi.