Ázerbaıjannyń jetekshi joǵary oqý orny – ADA ýnıversıtetinde Kaspıı teńiziniń taıazdanýy máselelerine arnalǵan «Kaspıı máselesi: sebepteri, saldarlary jáne sheshimderi» taqyrybynda dóńgelek ústel ótti, dep jazady Egemen.kz.
Bul is-shara bıyl 22-24 sáýirde Astanada ótetin О́ńirlik ekologııalyq sammıt qarsańynda Qazaqstannyń Ázerbaıjandaǵy elshiliginiń bastamasymen uıymdastyryldy. Dóńgelek ústelge akademııalyq orta, ǵylymı-zertteý ınstıtýttary, memlekettik organdar, dıplomatııalyq mıssııalar jáne halyqaralyq uıymdardyń ókilderi qatysty.
Atap aıtqanda, Qazaqstannyń Ázerbaıjandaǵy elshisi Álim Baıel, Mıllı Májilis depýtaty, ADA ýnıversıtetiniń prorektory Farız Ismaılzade, Ekonomıkalyq yntymaqtastyq uıymynyń Taza energııa ortalyǵynyń atqarýshy dırektory Aısel Iаgýbova, QR SIM Erekshe tapsyrmalar jónindegi elshisi Zúlfııa Súleımenova, Ázerbaıjan Respýblıkasy SIM Klımattyq dıplomatııa departamentiniń dırektory Elchın Allahverdıev, sý máseleleri jáne klımattyq dıplomatııa salasyndaǵy basqa da jetekshi sarapshylar sóz sóıledi.
Ekologııalyq túıtkildiń túıini qashan tarqaıdy?
Elshi Álim Baıel óz sózinde Qazaqstan Prezıdenti Qasym-Jomart Toqaevtyń ekologııa máselelerine aıryqsha mán berip kele jatqanyn atap ótti.
«15 naýryzda Qazaqstanda jańa Konstıtýsııany qabyldaý jóninde respýblıkalyq referendým ótedi. Ata zańnyń jańa jobasynda azamattardyń tabıǵatty saqtaý jáne onyń baılyqtaryna uqypty qaraý jónindegi mindetteri alǵash ret aıqyndalǵan. Al memleket adam ómiri men densaýlyǵyna qolaıly qorshaǵan ortany qorǵaýdy maqsat etedi», dedi ol.
Sondaı-aq elshi dóńgelek ústel qatysýshylaryn sáýir aıynda Astanada ótetin О́ńirlik ekologııalyq sammıt týraly habardar etti. Dıplomat Qazaqstan Prezıdenti Q.Toqaevtyń BUU júıesi aıasynda tolyqqandy sý uıymyn qurý jónindegi bastamasy týraly da aıtyp berdi.
«Taza Qazaqstan»: Abaı ýnıversıtetiniń stýdentteri Ile-Alataý parkimen ekologııalyq jobalardy iske asyrady
Aısel Iаgýbova Kaspıı teńiziniń taıazdaný sebepteri men onyń jaǵalaýdaǵy memleketter úshin saldaryna toqtalyp, bul máselege halyqaralyq qaýymdastyqtyń nazaryn aýdarý qajettigin atap ótti. Al Zúlfııa Súleımenova Kaspıı máselelerin talqylaý bastamasyna joǵary baǵa berip, búgingi kúni teńizdiń taıazdanýyn tek sıkldik úderistermen baılanystyrýǵa bolmaıtynyn málimdedi. Onyń aıtýynsha, teńizdiń jaǵdaıyna jahandyq jylyný eleýli teris áser etip jatyr. Sondaı-aq ol Qazaqstannyń tabıǵatty qorǵaý sharalaryndaǵy jetistikteri týraly aıtyp berdi.
Ekologııalyq mádenıet qalyptastyrý – túbegeıli qaǵıdat qatarynda
Dóńgelek ústel barysynda óńirdegi ekologııalyq daǵdarystyń sebepteri talqylanyp, yqtımal sheshimder boıynsha pikir almasý ótti. Qatysýshylar qorshaǵan ortany qorǵaý máselelerin birlesip sheshý jolyndaǵy Qazaqstan men Ázerbaıjannyń is-qımyldaryna joǵary baǵa berdi.