Jaqynda Almatyda Syrtqy ister mınıstri Erjan Qazyhanov elimizdiń dıplomatııalyq qyzmetiniń ardagerlerimen kezdesti, dep habarlady SIM-iniń baspasóz qyzmeti.
Prezıdent N.Nazarbaevtyń tikeleı basshylyǵymen jáne qatysýymen otandyq syrtqy saıası qyzmet ózara tıimdi yntymaqtastyq pen úılesimdi qaǵıdattarǵa negizdele otyryp, jaqyn kórshilermen, álemdik derjavalarmen kópjaqty pishindegi qarym-qatynastarda senimdi júıe qurdy, dedi mınıstr.
Qazaqstannyń EQYU, ShYU jáne IYU-ǵa tóraǵalyq etýi júzege asyrylyp otyrǵan syrtqy saıasattyń strategııalyq durystyǵyn jáne jemistiligin dáleldeıdi. Astananyń halyqaralyq arenadaǵy syrtqy saıası dástúrin beıneleıdi jáne Qazaqstannyń kópjaqty dıplomatııasynyń sapaly jalǵasy bolyp tabylady.
Saltanatty is-shara barysynda Syrtqy ister mınıstri dıplomatııalyq qyzmet ardagerlerine nagradalaryn tabys etip, olarǵa zor densaýlyq pen ıgilik tiledi.