Elordanyń týǵan kúnine oraı Qyzylorda qalasynda ornalasqan «Astana» shaǵyn aýdanyndaǵy №1 ıpotekalyq turǵyn úı paıdalanýǵa berildi. Memlekettik turǵyn úı baǵdarlamasy aıasynda salynǵan 50 páterlik turǵyn úıdiń qurylysyn «Integstroı» JShS júrgizgen.
– Osydan eki aı buryn, 9 mamyr kúni biz Uly Otan soǵysynyń ardagerlerine páter kiltin tabys ettik. Mine, endi Astana kúni merekesine oraı taǵy bir ıpotekalyq úıdi tapsyrǵaly otyrmyz. Aldaǵy ýaqytta biz bul aýdanǵa úsh qabatty ıpotekalyq turǵyn úıler salyp, onyń aınalasyn kórkeıtýdi josparlap otyrmyz. Osylaısha Elbasynyń tapsyrmasy boıynsha búkil elimizde 2005 jyly bastalǵan memlekettik turǵyn úı qurylysy baǵdarlamasy qazaq jurtynyń alǵashqy astanasy – Syr óńirinde de qarqyndy júrýde, – dedi oblys basshysy saltanatty sharada.
Ipotekalyq páterler bıýdjet salasy men memlekettik qyzmetkerlerge jáne jas otbasylarǵa berilip otyr. Sóıtip, Astananyń múshel toıyna oraı Aqmeshitte jańa baspanaǵa ıe bolǵandardyń sany 50 adamǵa artty.
Erjan BAITILES, Qyzylorda.