Turǵyn úı qoryna túbegeıli ózgeris qajet

Jambyl oblysyndaǵy qury­lys ındýstrııasynyń ósip-órken­deýine atsalysyp júrgen kompanııa basshylary oblys ákimi Q. Bozymbaevtyń usynysymen ob­lys ortalyǵyndaǵy kóp qabatty turǵyn úılerdiń aýlalaryn abat­tandyrýǵa úles qosyp, kóptegen tarazdyqtardyń alǵysyn alǵan bolatyn. Endi, mine, memlekettik «Turǵyn úı-kommýnaldyq sharýa­shy­lyǵyn jańǵyrtý» baǵdar­lamasy boıynsha tozyǵy jetken turǵyn úı qoryn jańartý qolǵa alyna bastady. Búgin­de oblys ortalyǵyn­daǵy osydan jarty ǵasyrdan astam ýaqyt buryn salynǵan kóp qabatty úılerdiń eskirgen qas­beti men shatyrlary jáne ınjenerlik júıesi jańǵyrtylýda. Atap aıtsaq, osy baǵdarlama sheń­­berinde bıyl 92 úı muntaz­daı bolmaq. Igilikti iske alǵash­qy transhpen 428 mıllıon teńge bólinip te qoıypty. Taraz qalasynyń ákimi B. Oryn­bekovtiń aıtýynsha, turǵyn úı járdemaqysy men nesıe arqyly 11 úıge jóndeý jumysy bastalyp ketken. Oqyrmandarǵa túsinikti bolý úshin aıta keteıik, búginde kóp qabatty turǵyn úılerdiń bári jeke menshikte ekeni belgili. Sondyqtan atalǵan baǵdarlamaǵa qatysý úshin kondomınımým quryp, tirkelgen turǵyn­darǵa memleket 7 jyl merzimge ósimsiz nesıe beredi. Al oǵan tozyǵy jetken turǵyn úılerdi tap-tuınaqtaı etýge ábden bola­dy. Kondomınımýmge birigip, tirkelgen tur­ǵyndarǵa memleket tarapynan ósimsiz nesıe berý sııaqty ıgilikti is naýqandyq aksııa emes, ol aldaǵy ýaqytta da turaqty jalǵasyn taba bermek. Qurylys jáne turǵyn úı-kommýnaldyq sharýashylyǵy isteri agenttiginiń tóraǵasy S. Nokın  oblysqa kelgen jumys sapa­ryn­da óńirde atqarylyp jatqan osyndaı kóptegen jaqsy istermen tanysty. «Jambyl­mem­sa­rap­ta­ma» enshiles memlekettik kásiporynynyń ákim­shi­lik ǵıma­ratynyń ashylýyna qa­tysty. Bul jańa ǵımarat joba­lar­dy memlekettik vedomstvodan tys  saraptaý júıesiniń qyzmetin je­til­dirýdiń 3 jylǵa arnalǵan baǵ­dar­lamasy boıynsha salynypty. Memlekettik saraptama qury­lys salasynda mańyzdy oryn ala­dy. О́ıtkeni kez-kelgen qur­y­lys ny­sa­nyn sapaly júrgizip já­ne mer­zimdi ýaqytynda tap­syrý úshin onyń zamana talabyna saı joba­lyq-smetalyq qujaty bolýy qa­jet. Al ondaı joba­lardy muqııat tekserip, tolyq­ty­ratyn já­ne jetildiretin memlekettik saraptama qyzmet­ker­leri. Biraq, ókinishke qa­raı, saraptama qyzmetkerleriniń osy ýa­qytqa deıin óz qarashańy­raǵy bolmaı kelipti. Bul, árıne, saraptama sapasy­na keri  áserin tıgizetini anyq. Son­dyqtan oblys orta­ly­ǵynan boı kótergen jańa ári záý­lim mekeme saraptama sala­syn­da­ǵy ja­ńa jobalar men usy­nys­­tar­dyń ordasyna aınalady dep senemiz. Kósemáli SÁTTIBAIULY, Jambyl oblysy.