Qazirgi ýaqytta Monopolııaǵa qarsy agenttik Qazaqstan Respýblıkasynyń monopolııaǵa qarsy zańnamalarynyń burmalanýy boıynsha «Astanaenergosbyt» JShS-ǵa qatysty tergeý prosedýralaryn júrgizýde, dep habarlaıdy osy agenttikten.
Júrgizilgen tergeýler barysynda JShS-niń aqysyn tólep turǵan, qyzmet kórsetýshi kásiporyn aldynda elektr energııasy úshin esh bereshegi joq tutynýshyny elektr qýatynan ajyratyp tastaý jaǵdaılarynyń oryn alǵany anyqtalyp otyr. Osyǵan baılanysty agenttik JShS-niń ondaı is-áreketin óz ústemdigin asyra paıdalaný dep baǵalaýda.
Osyndaı jáıterdi eskere kelip, agenttik júrgizilip jatqan tekserý kezinde eskerý úshin atalǵan JShS qyzmetine ókpe-renishteri bar azamattardyń Monopolııaǵa qarsy agenttiktiń Astana qalalyq aýmaqtyq bólimshesine (Beıbitshilik kóshesi, 4-úı, 4-qabat, 40-kabınet) tel. 75-24-49 habarlasýlaryn suraıdy.