Al buǵan deıin tek resmı qosymsha arqyly ǵana sýret jarııalaý múmkin bolǵan.
Endi instagram.com saıtynyń mobıl nusqasynda sýretke túsirip, sýrettiń ózin nemese birneshe sýretti jarııalaýǵa bolady. Alaıda qoldanýshyǵa fıltrler jáne keńeıtilgen óńdeý fýnksııalary áli de múmkin bolmaı otyr, ázirshe tek sýretti aınaldyrý jáne onyń formatyn tańdaý múmkindigi bar. Vıdeony da tek qosymsha arqyly júkteı alasyz.
Instagram syrtqy túri ózgerissiz qaldy: lentany paraqtaýǵa bolady, eskertpelerdi jáne qoldanýshylardyń profılin kórýge bolady.
Saıtta "Oqıǵa tizbegi" jáne jeke habarlamalar bólimi joq. TechCrunch málimetinshe, kompanııa jańarǵan veb-nusqany 2017 jyldyń naýryzynan beri synap keledi eken.
Instagram ókilderi basylymǵa bergen suhbatynda saıttyń jańa nusqasy qoldanýshylardyń barlyq qurylǵydan sýret kórýi úshin jasalǵanyn aıtyp berdi.
Sonymen qatar, ınternet jyldamdyǵy baıaý elderde dúkennen qosymshany júkteı almaıtyndar úshin de qolaıly ekeni aıtylady.