2011 jylǵy 28 aqpan, Almaty qalasy
Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Qazaqstan Respýblıkasynda bankterdi májbúrlep taratý erejesin bekitý týraly» 2006 jylǵy 25 aqpandaǵy № 40 qaýlysyna ózgerister men tolyqtyrýlar engizý týraly
«Qazaqstan Respýblıkasynyń keıbir zańnamalyq aktilerine ıpotekalyq kredıt berý jáne qarjylyq qyzmetterdi tutynýshylar men ınvestorlardyń quqyqtaryn qorǵaý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń 2011 jylǵy 10 aqpandaǵy Zańyn iske asyrý jáne Qazaqstan Respýblıkasynda májbúrlep taratylatyn bankterdiń taratý komıssııalarynyń qyzmetin retteıtin normatıvtik quqyqtyq aktilerdi jetildirý maqsatynda Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttiginiń (budan ári – Agenttik) Basqarmasy qaýly etedi:
1. Agenttik Basqarmasynyń «Qazaqstan Respýblıkasynda bankterdi májbúrlep taratý erejesin bekitý týraly» 2006 jylǵy 25 aqpandaǵy № 40 (Normatıvtik quqyqtyq aktilerdi memlekettik tirkeý tiziliminde № 4181 tirkelgen, 2006 jylǵy maýsymdaǵy №9-10 Qazaqstan Respýblıkasynyń ortalyq atqarý jáne ózge memlekettik organdarynyń normatıvtik quqyqtyq aktileriniń bıýlleteninde jarııalanǵan) qaýlysyna mynadaı ózgerister men tolyqtyrýlar engizilsin:
kórsetilgen qaýlymen bekitilgen Qazaqstan Respýblıkasynda bankterdi eriksiz taratý erejesinde:
4-tarmaq mynadaı redaksııada jazylsyn:
«4. Osy Erejeni paıdalaný maqsatynda mynadaı uǵymdar qoldanylady:
1) bank kredıtory - taratylatyn bankke onyń azamattyq-quqyqtyq jáne basqa da mindettemelerinen týyndaıtyn múliktik talaptary bar tulǵa;
2) bastapqy baǵa – árbir lot boıynsha saýda-sattyq bastalatyn jáne «Qazaqstan Respýblıkasyndaǵy baǵalaý qyzmeti týraly» Qazaqstan Respýblıkasynyń Zańyna sáıkes baǵalaýshy anyqtaǵan lottyń qunynan tómen emes bolyp belgilenetin baǵa;
3) bas ofıs – taratý komıssııasynyń tóraǵasy jedel-basqarý jáne osy Erejede kózdelgen ózge de fýnksııalardy júzege asyratyn ofıs;
4) eń tómengi baǵa - budan tómen baǵamen lot satylýy múmkin emes baǵa;
5) kepildik berý jónindegi uıym - ekinshi deńgeıdegi bankterdegi depozıtterge mindetti kepildik berýdi júzege asyratyn arnaıy qurylǵan kommersııalyq emes uıym;
6) kredıtorlar komıteti - kredıtorlardyń múddelerin qamtamasyz etý jáne olardyń qatysýymen sheshimder qabyldaý maqsatynda taratylatyn banktiń kredıtorlarynan qurylatyn organ;
7) kredıtorlar sanaty - bir jaqty sıpaty bar talaptary bar jáne Bankter týraly Zańnyń 74-2-babymen kózdelgen belgili bir kezektilik aıasynda qanaǵattandyrylatyn kredıtorlar toby;
8) kredıtorlar talaptarynyń tizilimi - ýákiletti organ bekitken, kredıtorlardyń belgilengen merzimde qoıǵan jáne taratý komıssııasy tanyǵan talaptaryn, sondaı-aq eriksiz taratylatyn bankke usynylǵan esep aıyrysýǵa sáıkes aqsha somasy kóleminde ótemaqy tóleý boıynsha kepildik berý jónindegi uıymnyń mindettemelerdi oryndaý jónindegi bolashaq talaptaryn kórsetetin qujat;
9) kútpegen shyǵystar - mólsheri júz aılyq eseptik kórsetkishten aspaýy tıis kidirtýge bolmaıtyn qajettilikke arnalǵan taratý komıssııasynyń josparlanbaǵan shyǵyndary;
10) qatysýshy bank - bankti eriksiz taratý týraly sot sheshiminiń zań kúshine ený sátine depozıtterge mindetti kepildik berý júıesiniń qatysýshysy bolǵan taratylatyn bank;
11) qundylyqtar - Qazaqstan Respýblıkasynyń valıýtalyq qundylyqtary, banknottary men monetalary, baǵaly qaǵazdar, qatań eseptegi blankter jáne baǵaly zattar;
12) lot - birlikti satý úshin bólinbeıtin bolyp ajyratylǵan aýksıonǵa qoıylǵan múlik;
13) merzimdi baspasóz basylymy - turaqty ataýy, aǵymdaǵy nómiri bar jáne keminde úsh aıda bir ret shyǵarylatyn gazet, jýrnal, almanah, bıýlleten, olardyń qosymshasy;
14) satý baǵasy - saýda-sattyq nátıjesinde belgilengen lottyń túpkilikti baǵasy, al múlikti saýda-sattyqty ótkizbeı satqan jaǵdaıda – kredıtorlar komıteti (kredıtorlar komıteti bolmaǵan jaǵdaıda taratý komıssııasynyń tóraǵasy) belgilegen múliktiń túpkilikti baǵasy;
15) satý obektisi - jeke (derbes) birlik retinde saýda-sattyqqa qoıylǵan taratylatyn banktiń múlki nemese birneshe birlikten bir lotqa shoǵyrlanǵan ózge múlik;
16) satýshy - taratylatyn banktiń taratý komıssııasy;
17) satyp alýshy - satýshymen satyp alý-satý shartyn jasaǵan saýda-sattyq jeńimpazy;
18) saýda-sattyq jeńimpazy - saýda-sattyqtaǵy lotqa barynsha joǵary baǵa usynǵan qatysýshy;
19) saýda-sattyqty uıymdastyrýshy - taratylatyn banktiń taratý komıssııasy nemese taratý komıssııasymen saýda-sattyq júrgizý jónindegi qyzmet kórsetý týraly shart jasaǵan jáne onyń nátıjelerine múddeli emes zańdy ne jeke tulǵa;
20) saýda-sattyq qatysýshysy - saýda-sattyqqa qatysý týraly ótinishti saýda-sattyq uıymdastyrýshysy belgilegen tártippen bergen jáne onyń qatysýshysy retinde saýda-sattyq uıymdastyrýshysy tirkegen jeke nemese zańdy tulǵa;
21) saýda-sattyqtyń aǵylshyndyq ádisi - lottyń bastama baǵasy lotqa eń joǵary baǵa usynǵan qatysýshylardyń bireýi qalǵan kezge deıin aldyn ala málimdelgen qadammen kóteriletin saýda-sattyq ádisi;
22) saýda-sattyqtyń gollandtyq ádisi - lottyń bastama baǵasy qatysýshylardyń bireýi málimdelgen baǵa boıynsha lot satyp alýǵa kelisken kezge deıin aldyn ala málimdelgen qadammen tómendeıtin saýda-sattyq ádisi;
23) taratý komıssııasy - bankti eriksiz taratý týraly sheshim qabyldanǵan jaǵdaıda ýákiletti organ taǵaıyndaıtyn (bosatatyn), bank isin aıaqtaý jáne onyń kredıtorlarymen esep aıyrysýdy qamtamasyz etý maqsatynda taratý rásimi barysynda banktiń múlki men isterin basqarý jónindegi ókilettikterdi taratý komıssııa tóraǵasynyń tikeleı basshylyǵymen júzege asyratyn organ;
24) taratý komıssııasynyń shyǵystary - bankti eriksiz taratý prosesinde taýarlardy, jumysty jáne qyzmet kórsetýdi tutynýǵa baılanysty shyǵyndar (budan ári - taratý shyǵystary);
25) taratý, konkýrstyq massa - taratylatyn banktiń bank isin aıaqtaýǵa jáne onyń kredıtorlarymen esep aıyrysýdy qamtamasyz etýge arnalǵan aktıvteri;
26) taratý massasynyń maqsatsyz shyǵysy - ýákiletti organmen kelisilgen nemese kredıtorlar komıteti bekitken taratý shyǵystary smetasynda kózdelmegen shyǵyndardy júzege asyrý;
27) taratý shyǵystarynyń smetasy – kredıtorlar komıteti nemese taratý komıssııasynyń tóraǵasy ýákiletti organmen kelise otyryp bekitetin, taratý komıssııasynyń belgili bir ýaqyt kezeńine boljap otyrǵan shyǵyndardy kórsetetin qujat;
28) taratý isi - bank isin aıaqtaý jáne onyń kredıtorlarymen esep aıyrysýdy qamtamasyz etý maqsatynda júzege asyrylatyn banktiń zańdy tulǵa retindegi qyzmetin toqtatý rásimi;
29) taratylatyn bank - sot sheshiminiń zań kúshine enýine baılanysty eriksiz taratý prosesinde bolyp tabylýshy bank;
30) taratylatyn banktiń múlki - qundy baǵasy bar jáne taratý, konkýrstyq massaǵa engen múliktik ıgilikter men quqyqtar jıyntyǵy;
31) ýaqytsha ákimshilik (ýaqytsha ákimshilik basqarýshysy) - bank múlkiniń saqtalýyn qamtamasyz etý jáne bankti basqarýdy qamtamasyz etý jónindegi is-sharalardy oryndaý úshin bank operasııalaryn júrgizýge lısenzııalardy qaıtaryp alý týraly sheshim qabyldanǵan kúnnen bastap taratý komıssııasyn ýákiletti organ taǵaıyndaǵanǵa deıingi kezeńge ýákiletti organ taǵaıyndaıtyn organ (tulǵa);
32) ýákiletti organ - qarjy rynogyn jáne qarjy uıymdaryn retteý men qadaǵalaýdy júzege asyratyn memlekettik organ.»;
7-tarmaqta:
5) tarmaqsha mynadaı redaksııada jazylsyn:
«5) kredıtorlardyń, salyq qyzmeti organdarynyń talaptary boıynsha, onyń ishinde daýsyz (aksepsiz) tártipte qanaǵattandyrylýy tıis taratylatyn banktiń bank shottarynan aqsha óndirip alýǵa, sondaı-aq taratylatyn banktiń múlkin óndirip alýǵa jol berilmeıdi;»;
mynadaı mazmundaǵy 5-1) tarmaqshamen tolyqtyrylsyn:
«5-1) taratylatyn banktiń laýazymdy tulǵalaryna olardyń ıeligindegi aksııalardy ıelikten shyǵarýǵa tyıym salynady;»;
7) tarmaqshadaǵy «múliktik sıpattaǵy barlyq talaptar» degen sózder «talaptar» degen sózben aýystyrylsyn;
8) tarmaqsha mynadaı mazmundaǵy ekinshi sóılemmen tolyqtyrylsyn:
«Taratylatyn bankke qatysty aldynda qabyldanǵan sottardyń sheshimderin oryndaý toqtatylady.»;
9-tarmaqtyń ekinshi bóligi mynadaı redaksııada jazylsyn:
«Taratý komıssııasy bir aıdan aspaıtyn merzimde ýaqytsha ákimshilikten (ýaqytsha basqarýshydan) qabyldaý-ótkizý aktisi boıynsha taratylatyn banktiń múlki men qujattaryn qabyldaıdy.»;
mynadaı mazmundaǵy 9-1-tarmaqpen tolyqtyrylsyn:
«9-1. Bankte fılıaldary ne ókildikteri bolǵan jaǵdaıda bankti taratý banktiń fılıaly ne ókildigi ornalasqan jerde qurylatyn taratý komıssııasynyń bólimshesimen (budan ári – bólimshe) birlesip júrgiziledi.»;
10-tarmaq mynadaı redaksııada jazylsyn:
«10. Taratý komıssııasy taratylatyn banktiń atynan is-áreket etedi jáne óz quzyretine kiretin máseleler boıynsha sheshim qabyldaý kezinde derbes bolady.
Banktiń taratý komıssııasy bankti taratý rásimderin taratý komıssııasynyń tóraǵasy bekitken jumys josparyna sáıkes júzege asyrady.
Bólimsheler jumys josparyn taratý komıssııasy taǵaıyndalǵan kúnnen bastap otyz jumys kúni ishinde taratylatyn banktiń bas ofısine jiberedi.
Jıyntyq jumys jospary taratylatyn banktiń bas ofısimen jarty jylǵa bólý arqyly (bólimshiler usynǵan jumys josparlaryn eskere otyryp) bir jylǵa jasalady jáne taratý komıssııasy taǵaıyndalǵan kúnnen bastap qyryq bes jumys kúni ishinde ýákiletti organǵa málimet úshin beriledi.
Jyl saıynǵy jumys josparlary taratylatyn komıssııasynyń bas ofısimen josparlanyp otyrǵan kezeńniń aldyndaǵy aıdyń onynan keshiktirmeı ýákiletti organǵa málimet úshin beriledi.
Jumys josparyn oryndaý týraly aqparat taratylatyn banktiń bas ofısimen ýákiletti organǵa jarty jyldyń jıyntyǵy boıynsha beriledi.»;
mynadaı mazmundaǵy 12-1-tarmaqpen tolyqtyrylsyn:
«12-1. Banktiń taratý komıssııasynyń tóraǵasy taratý komıssııasynyń tıimdi jumys isteýi, sondaı-aq ókilettikter men fýnksıonaldyq mindettemelerdi naqtylaý maqsatynda ol taǵaıyndalǵan kúnnen bastap jeti jumys kúninen kesh emes merzimde taratý komıssııasy tóraǵasynyń jáne tóraǵa orynbasarynyń arasyndaǵy mindetterdi bólý týraly buıryq shyǵarady.»;
16-tarmaqtyń ekinshi sóılemi «qyzmet kórsetý shartynda» degen sózderden keıin «, sondaı-aq taratý komıssııasynyń tóraǵasymen bekitiletin ár qyzmetkerdiń laýazymdyq nusqaýlyǵynda» degen sózdermen tolyqtyrylsyn;
19-tarmaqta:
mynadaı mazmundaǵy 1-1) tarmaqshamen tolyqtyrylsyn:
«1-1) taratý komıssııasy taǵaıyndalǵan kúnnen bastap bir jumys kúninen keshiktirilmeıtin merzimde taratylatyn banktiń bank shottary bar ekinshi deńgeıdegi bankterge birinshi jáne ekinshi qoldarynyń úlgileri men mór tańbasy bar qujattardy usynady;»;
2) tarmaqsha «kredıttik bıýrolarǵa» degen sózderden keıin «, qor bırjasyna» degen sózdermen tolyqtyrylsyn;
23) tarmaqsha mynadaı redaksııada jazylsyn:
«23) bankti taratý isiniń barysy týraly aqparatty Qazaqstan Respýblıkasynyń barlyq aýmaǵynda taralatyn merzimdik baspa basylymdarynda memlekettik jáne orys tilderinde esepti jyldan keıingi jyldyń 1 (birinshi) aqpanynan keshiktirilmeıtin merzimde jyldyń qorytyndysy boıynsha jarııalaıdy;»;
23-tarmaqtyń tórtinshi bóligindegi «eki» degen sóz «úsh» degen sózben aýystyrylsyn;
27-tarmaq alyp tastalsyn;
30-tarmaq mynadaı redaksııada jazylsyn:
«30. Ár kúntizbelik jyldyń qorytyndysy boıynsha kredıtorlar komıtetine ýákiletti organnyń, kepildik berý jónindegi uıymnyń taratý komıssııasynyń quramyna engizilgen qyzmetkerlerin qospaǵanda, taratý komıssııasynyń tóraǵasy men (nemese) múshelerine, sondaı-aq tartylǵan qyzmetkerlerge olardyń qyzmet nátıjeleri boıynsha qosymsha tólemderdi bekitýge ruqsat beriledi.
Qosymsha tólemderdi júzege asyrý týraly sheshim qabyldanǵan tulǵalarǵa qatysty qosymsha tólemderdiń jalpy somasy kredıtorlardyń talaptaryn qanaǵattandyrý úshin naqty berilgen somasynyń 0,5 paıyzynan aspaıtyn mólsherde bekitiledi.»;
33-tarmaqtyń 2) tarmaqshasy «qyzmetter» degen sózden keıin «, ınternet jelisin paıdalanǵany úshin shyǵystar» degen sózdermen tolyqtyrylsyn;
36-tarmaq mynadaı mazmundaǵy úshinshi bólikpen tolyqtyrylsyn:
«Taratý komıssııasynyń quramyna engizilgen ýákiletti organ qyzmetkerleriniń issaparǵa shyǵý shyǵystary ýákiletti organnyń qarajat esebinen júzege asyrylady.»;
43-tarmaq «smetasyn» degen sózden keıin «, oǵan qosa berilgen túsindirme jazbasyn» degen sózdermen tolyqtyrylsyn;
mynadaı mazmundaǵy 44-1, 44-2-tarmaqtarmen tolyqtyrylsyn:
«44-1. Ýákiletti organmen kelisilgen nemese kredıtorlar komıtetimen bekitilgen taratý shyǵystarynyń smetasy ótken kezeńde júzege asyrylmaǵan jaǵdaıda jáne ony josparlanǵan kezeńde júzege asyrý qajettiligi bar bolǵanda, kórsetilgen shyǵystar josparlanǵan kezeńniń taratý shyǵystarynyń smetasyna engizilýge jatady.
44-2. Taratý shyǵystarynyń smetasyn ýákiletti organmen kelisýge deıin mynadaı shyǵyndar baptary boıynsha:
1) bankti májbúrlep taratý týraly habarlamalardy jarııalaý jónindegi qyzmet;
2) baılanys qyzmetine (telekommýnıkasııalyq shyǵystar, telefondy, telegrafty paıdalanǵany úshin abonenttik tólem, qalaaralyq jáne halyqaralyq sóılesýler jónindegi shyǵystar, pochta men anyqtamalyq qyzmetter, ınternet jelisin paıdalanǵany úshin shyǵystar);
3) kommýnaldyq qyzmet;
4) birinshi jáne ekinshi qoldarynyń úlgileri men mór tańbasy bar qujattardy notarıaldyq kýálandyrý boıynsha qyzmet;
5) úı-jaıdy jaldaý qyzmeti, taratý komıssııasyna birinshi kezekti is-sharalardy júrgizýge baılanysty shyǵystardy júzege asyrýǵa ruqsat beriledi.»;
57-tarmaqtyń birinshi bóligindegi «jalpy somasy bir kún ishinde kassalyq kiris jýrnalynda» degen sózder «kiris jónindegi kassa kitabynda» degen sózdermen aýystyrylsyn;
65-tarmaq «(esep aıyrysý-tólem)» degen sózderden keıin «ne soma qyzmetkerdiń bank shotyna aýdarý jolymen» degen sózdermen tolyqtyrylsyn;
82-tarmaq mynadaı redaksııada jazylsyn:
«82. Taratý komıssııasy taǵaıyndalǵan kúnnen bastap bir aıdan astam merzimde taratylatyn banktiń múlikterin (aktıvterin), jeke shottaryn, kredıttik jáne basqa da sharttaryn túgendeýdi júrgizedi, sondaı-aq taratylatyn bank qyzmetkerleriniń qatysýymen barlyq balanstyq shottar men memorandým shottaryn salystyryp tekseredi. Túgendeý qorytyndysy boıynsha akt jasalady.
Keleshekte býhgalterlik esep derekteriniń durystyǵyn qamtamasyz etý maqsatynda taratý komıssııasy jylyna bir retten kem emes, sondaı-aq taratý komıssııasynyń tóraǵasy aýysqan jaǵdaıda túgendeýdi júrgizedi.»;
84-tarmaq mynadaı redaksııada jazylsyn:
«84. Taratylatyn banktiń túgendeý jolymen anyqtalǵan barlyq aktıvteri eger Qazaqstan Respýblıkasynyń zańnamalyq aktilerinde ózgeshe kózdelmese, taratý massasyna qosýǵa jatqyzylady. Taratýdyń basynda banktiń balansyna engizilmegen jáne túgendeý barysynda anyqtalǵan aktıvter taratylatyn banktiń aralyq taratý balansynda kórsetilýi tıis.
Osy Erejeniń 82-tarmaǵynyń birinshi bóligine sáıkes júrgizilgen túgendeý barysynda anyqtalǵan múliktiń kem shyǵýy aralyq taratý balansyna engiziledi jáne jeke shotta eskeriledi.»;
86-tarmaqta:
«júzege asyrylýy tıis» degen sózder «júzege asyrylady» degen sózdermen aýystyrylsyn;
«berý» degen sózden keıin «kredıtorlar komıtetimen kelisý boıynsha» degen sózdermen tolyqtyrylsyn;
94-tarmaq mynadaı redaksııada jazylsyn:
«94. Taratý komıssııasy zańdy nemese jeke tulǵanyń talaptaryn (ótinishterin) qaraý kezinde kórsetilip otyrǵan talaptyń zańdylyǵyn jáne onyń negizdiligin tekseredi.»;
96-tarmaq mynadaı redaksııada jazylsyn:
«96. Talap (ótinish) tolyq nemese ishinara qabyldanbaǵan jaǵdaıda ótinish berýshiniń talaby (ótinishi), sondaı-aq ótinish berýshiniń talabynyń (ótinishiniń) qabyldanbaýyn negizdegen qujattar ótinish ıesinde bolmaǵan jaǵdaıda qaıtaryp beriledi.
Kredıtor rastaıtyn qujattardy bermegenine baılanysty taratý komıssııasy talapty (ótinishti) qabyldamaýy kredıtordyń taratý komıssııasyna talaptar (ótinishter) qabyldaý úshin belgilengen merzim shegindi talap etilgen qujattardy qosa berip, talabyn (ótinishin) qaıta berýge kedergi jasamaıdy.»;
106-tarmaqtyń birinshi sóıleminde:
«on jumys kúni» degen sózder «bir aı» degen sózdermen aýystyrylsyn;
«dereý» degen sóz «eki jumys kúni ishinde» degen sózdermen aýystyrylsyn;
107-tarmaqta:
birinshi bólik mynadaı redaksııada jazylsyn:
«107. Kredıtorlar komıtetiniń quramyna Bankter týraly Zańnyń 74-2-babynda kózdelgen kredıtorlardyń ár sanatynan bir ókil boıynsha kredıtorlardyń talap etý tizilimine engizilgen talaptardyń barynsha kóp somasy bar kredıtor, sondaı-aq depozıtter, onyń ishinde taratylatyn ıslam bankinde ornalastyrylǵan talap etýge deıingi paıyzsyz depozıtter jáne aqsha aýdarymy boıynsha taratylatyn bankke talaby bar, osy Erejeniń 107-1-tarmaǵynda kózdelgen tártipte saılanatyn tórtinshi kezektegi kredıtorlar sanatynan ekiden kóp emes ókili - jeke tulǵalar (budan ári – jeke tulǵa - salymshylar) kiredi.»;
tórtinshi bólik alyp tastalsyn;
mynadaı mazmundaǵy 107-1-tarmaqpen tolyqtyrylsyn:
«107-1. Banktiń taratý komıssııasy jeke tulǵa – salymshylardan ókildi (ókilderdi) tańdaý úshin aralyq taratý balansy men kredıtorlar talaptarynyń tizilimi bekitilgen kúnnen bastap úsh jumys kúni ishinde Qazaqstan Respýblıkasynyń barlyq aýmaǵynda taralatyn merzimdik baspa basylymdarynda memlekettik jáne orys tilderinde taratý komıssııasynyń taratylatyn banktiń kredıtorlar komıtetiniń quramyn qurý jónindegi jumystardy júrgizý jáne taratylatyn banktiń kredıtorlar komıtetiniń quramyna jeke tulǵa – salymshylardan (budan ári – kandıdattar) ótinish qabyldaý týraly habarlamany, ótinishti qabyldaý merzimi men ornyn kórsete otyryp jarııalaıdy. Bul rette, habarlamada kandıdattarǵa qoıylatyn mynadaı talaptar kózdeledi:
1) kandıdat jeke tulǵa – salymshy bolýy tıis;
2) kandıdat banktiń kredıtorlar komıtetiniń májilisterine ózi qatysýy tıis.
Taratý komıssııasy kandıdattardyń ótinishterin qabyldaý merzimi ótkennen keıin Qazaqstan Respýblıkasynyń barlyq aýmaǵynda taralatyn merzimdik baspa basylymdarynda memlekettik jáne orys tilderinde banktiń kredıtorlar komıtetiniń quramyna jeke tulǵa – salymshylardyń ókilin tańdaýdy júrgizý týraly habarlama jarııalaıdy. Tańdaý jeke tulǵa – salymshynyń óz erkimen habarlamada jarııalanǵan merzimde jáne jerde júzege asyrylady.
Taratylatyn banktiń kredıtorlar komıtetiniń quramyna daýys berýge kelgen jeke tulǵa – salymshylar arasynan eń kóp daýys sanyn jınap alǵan kandıdat (kandıdattar) kiredi.»;
109-tarmaq mynadaı redaksııada jazylsyn:
«109. Taratý komıssııasy kredıtorlar komıtetiniń birinshi májilisiniń ótkizilý kúnine deıin úsh jumys kúninen keshiktirmeı kredıtorlar komıtetiniń barlyq múshelerin komıtettiń birinshi májilisi ótkizetin oryn men kúni týraly jazbasha habardar etedi.
Kredıtorlar komıtetiniń birinshi májilisi kredıtorlar komıtetiniń quramy bekitilgen kúnnen bastap on jumys kúninen keshiktirilmeıtin merzimde jasalady. Kredıtorlar komıteti birinshi májilisinde:
1) komıtettiń tóraǵasyn saılaıdy;
2) kredıtorlar komıtetiniń májilisin júrgizý tártibin jáne daýys berý rásimin retteıtin kredıtorlar komıteti týraly erejesin bekitedi.
Kredıtorlar komıtetiniń tóraǵasyna daýys berý rásiminde teń daýys bolǵan kezde sheshýshi daýys quqyǵy beriledi. Kredıtorlar komıtetiniń tóraǵasy komıtettiń jumys josparyn jasaıdy jáne bekitedi.»;
111-tarmaqta:
11) tarmaqshadaǵy «.» degen tynys belgisi «;» degen tynys belgisimen aýystyrylsyn;
mynadaı mazmundaǵy 12) tarmaqshamen tolyqtyrylsyn:
«12) taratý komıssııasynyń tóraǵasy taratylatyn banktiń aldyndaǵy bereshegin óteý úshin, onyń ishinde sot sheshimin oryndaý shotyna bank debıtorymen múlikti berý týraly qabyldaǵan sheshimdi kelisý.»;
116-tarmaqta:
«baǵalaý quny» degen sózder «Qazaqstan Respýblıkasyndaǵy baǵalaý qyzmeti týraly» Qazaqstan Respýblıkasynyń 2000 jylǵy 30 qarashadaǵy Zańyna sáıkes baǵalaýshy anyqtaǵan quny (budan ári – baǵalaý quny)» degen sózdermen aýystyrylsyn;
«saqtaı otyryp,» degen sózderden keıin «berý kúnine» degen sózdermen tolyqtyrylsyn;
123-tarmaqtyń ekinshi bóligi mynadaı redaksııada jazylsyn:
«Kredıtorlar komıtetiniń quramy bekitilgenge deıin taratý komıssııasy osy Erejede kózdelgen tártippen ýákiletti organmen kelisý boıynsha múlikti satady.»;
125-tarmaqta:
ekinshi bólik «ózge» degen sózden keıin «jyljymaly» degen sózben tolyqtyrylsyn;
úshinshi bóliktegi «múlki» degen sóz «jyljymaly múlki» degen sózdermen aýystyrylsyn;
tórtinshi bólik mynadaı redaksııada jazylsyn:
«Taratý komıssııasy balanstyq quny elý aılyq eseptik kórsetkishten tómen jyljymaly múlikti taratý komıssııasy ózi belgilegen baǵa boıynsha, biraq balanstyq qunynan elý paıyzdan tómen emes jarııa saýda-sattyq ótkizbeı satýǵa ruqsat etiledi.»;
127-tarmaq mynadaı redaksııada jazylsyn:
«127. Satý josparynda satý obektileri týraly usynystar men olardyń jan-jaqty sıpattamasy, baǵalaý quny, satýdyń bastapqy (jáne saýda-sattyqtyń gollandtyq ádisindegi eń tómen) baǵasy, saýda-sattyqty ótkizý kezeńi men ádisi týraly málimetter bar.
Satý josparyna balanstyq quny elý aılyq eseptik kórsetkishten tómen, sondaı-aq júz aılyq eseptik kórsetkishten kem baǵalaý quny bar múlik engizilmeıdi. Júz aılyq eseptik kórsetkishten kem baǵalaý quny bar, baǵalaý qunynan tómen baǵa boıynsha satylmaǵan múlik satý josparyna engiziledi.»;
130-tarmaqtyń 5) tarmaqshasy mynadaı redaksııada jazylsyn:
«5) satýǵa qoıylatyn lottardyń bastapqy jáne eń tómengi baǵasy (lottyń eń tómen baǵasy saýda-sattyqty gollandtyq ádisimen ótkizgen jaǵdaıda kórsetiledi);»
171-tarmaq mynadaı redaksııada jazylsyn:
«171. Taratý komıssııasy kepildik berý jónindegi uıymǵa depozıtorlardyń tizimin, kepildik beriletin depozıtterdi qaıtarý boıynsha mindettemelerdi, sondaı-aq kepildik berý jónindegi uıym bekitken nysan boıynsha jáne «Qazaqstan Respýblıkasynyń ekinshi deńgeıdegi bankterde ornalastyrylǵan depozıtterge mindetti kepildik berý týraly» Qazaqstan Respýblıkasynyń 2006 jylǵy 7 shildedegi Zańynyń 13-babynyń 3- tarmaǵynda belgilengen merzimde bankti májbúrlep taratý týraly sot sheshimi zańdy kúshine engen kúngi jaǵdaı boıynsha depozıtter boıynsha óteý esebin usynady.
Taratý komıssııasy kepildik berý jónindegi uıymǵa depozıtorlardyń tizimin, sondaı-aq depozıtter boıynsha óteý esebin berýdi qabyldaý-ótkizý aktisin jasap, qaǵaz jáne elektrondyq tasymaldaýyshtarda júzege asyrady.»;
172-tarmaq alyp tastalsyn;
mynadaı mazmundaǵy 173-1-tarmaqpen tolyqtyrylsyn:
«173-1. Taratý komıssııasy jáne kepildik berý jónindegi uıym ár jyldyń tórtinshi toqsanynda (banktiń taratý isi qozǵalǵan jyldy qospaǵanda) kepildik berý jónindegi uıym taratylatyn banktiń salymshylaryna tólegen kepildik ótemaqy somasynyń salystyryp tekserýin júrgizedi.».
2. Osy qaýly alǵash resmı jarııalanǵan kúninen bastap on kúntizbelik kún ótkennen keıin qoldanysqa engiziledi.
Tóraıym E.BAHMÝTOVA.
Buıryq Qazaqstan Respýblıkasynyń Ádilet mınıstrliginde 2011 jylǵy 26 sáýirde Normatıvtik quqyqtyq kesimderdi memlekettik tirkeýdiń tizilimine №6907 bolyp engizildi.