Sát sapar!

10 tamyz kúni Astana temir jol vokzalynan «Meniń Qazaq­stanym» aqparattyq-nasıhat po­ıy­zy saltanatty jaǵdaıda jolǵa shyqty. Poıyz 10-20 tamyzda eli­miz­diń soltústik-shyǵys óń­irlerin ara­lap, odan keıin 10-27 qyr­kúı­ek ara­lyǵynda, ońtústik-batys baǵy­tymen júrip ótetin bolady. Al úshinshi kezeńde, ıaǵnı 15-26 qa­ra­sha kúnderi Almaty – Astana ba­ǵyty boıynsha ótedi. Osy ýaqyt ishinde sharaǵa qaty­sý­shylardyń eldi mekenderde kon­sertter qoı­yp, jergilikti jurt­shylyqpen kez­desýleri jos­par­lanyp otyr. Bul is-shara Mádenıet mınıstrligi men «Nur Otan» HDP-nyń uıym­­dastyrýymen ótkizil­mekshi. Onyń maqsaty – barlyq óńir turǵyn­daryn el Táýelsizdiginiń 20 jyldyq merekesine atsaly­sý­ǵa tartý, Táýelsizdiktiń ákelgen jetistikterin árbir azamatqa jetkizý, halyqtar ara­syndaǵy birlik pen yntymaq­tas­tyqty, salamat­ty ómir salty men Elbasynyń Qa­zaqstan hal­qy­na Joldaýyn nasıhattaý, shal­ǵaı eldi mekenderde turatyn aza­mattarǵa asa mańyzdy másele­ler­ge qatysty kómek kór­setý jáne memlekettiń jańa áleý­met­tik saıasatynyń mánin túsindirý. Bıylǵy aksııa el Táýel­siz­di­giniń 20 jyldyq merekelik sha­ra­laryn uıymdastyryp jatqan Memlekettik komıssııanyń sheshimi boıynsha elimizdiń áleý­met­t­ik qyzmetiniń, densaýlyq saq­taý, qar­jy salasy, mádenıet pen óner ók­ilderiniń qatysýy­men ótkizilýde. Sársenbi kúni Astanadan at­tan­ǵan «Meniń Qazaqstanym» aq­parattyq-nasıhat poıyzyn shy­ǵa­ryp salý rásimine Mádenıet mınıstrliginiń jaýapty hatshy­sy Janna Qurmanǵalıeva, «Nur Otan» HDP hatshysy Er­lan Qa­rın, qala ákiminiń or­yn­basary Aıda Balaeva men sa­lalyq mı­nıstrlikterdiń jaýap­ty qyzmet­kerleri qatysyp, jol­ǵa shyqqan azamattarǵa sát sapar tiledi. Saltanatty rásimde «Nur Otan» HDP hatshysy Erlan Qa­rın bizdiń keń-baıtaq Otany­myz­dyń ár qıyryna, árbir sha­ńy­raqqa jy­lylyq pen qýanysh, qam­qor­lyq syılaý úshin úlken jolǵa bir top azamattardyń at­ta­nyp ba­ra jatqanyn, osy poı­yz aıa­synda «Nur Otan» partııa­synyń qoǵamdyq qabyldaýlary óz esigin kelemin deýshilerge aı­qara ashatynyn aıtyp, atalǵan sha­ra­nyń mańyzyna toqta­lyp ótti. «Bul poıyzdy halyq asyǵa kú­týde, – dedi ol. – О́ıt­keni, ol Táý­elsizdiktiń mán-mańyzyn tú­sin­dirip, jergilikti halyqty El­basynyń Qazaqstan halqyna jol­­daýynda bergen tapsyr­ma­la­ry­nyń oryndalý ba­ry­sy­men ta­nys­tyrady. Qazir úlken jolǵa attanǵaly turǵan poıyz dele­gat­tary joldyń al­ys­ty­ǵy­na qara­maı barlyq sy­naq­qa da, toqtaı­tyn jerlerdegi jumysqa da ázir». Merekelik shara odan ári konserttik baǵdarlamamen jalǵas­ty. «Gúlder» memlekettik ansam­b­li «Sylqyldaq» bıin oryndasa, ataqty ánshi, má­denıet qaırat­keri Al­tyn­bek Qo­raz­baev pen halyqaralyq kon­kýrs­­tardyń laý­reaty Evgenıı Shahraı óz ónerlerin ortaǵa saldy. Jalpy, «Meniń Qazaq­sta­nym» aqparattyq-nasıhat poıy­zyn uı­ymdastyrýda «Nur Otan» par­tııa­synyń kóp jumys istegenin aı­týǵa bolady. Mundaı poı­yz­dy uı­ymdastyrý máselesi partııa Tór­aǵasynyń birinshi oryn­ba­sary Nur­lan Nyǵmatýlınniń partııa­nyń oblystyq jáne qa­la­lyq fı­lıaldarynyń jetekshilerimen ót­­ken kezdesýlerde kóte­rilgen edi. Dastan KENJALIN.