Qazaqstan Respýblıkasyndaǵy memlekettik qyzmettiń jaǵdaıy týraly ulttyq baıandamany qalyptastyrý jáne Qazaqstan Respýblıkasynyń Prezıdentine usyný qaǵıdalaryn bekitý týraly
QAÝLY ETEMIN:
Qosa berilip otyrǵan Qazaqstan Respýblıkasyndaǵy memlekettik qyzmettiń jaǵdaıy týraly ulttyq baıandamany qalyptastyrý jáne Qazaqstan Respýblıkasynyń Prezıdentine usyný qaǵıdalary bekitilsin. Osy Jarlyq alǵashqy resmı jarııalanǵan kúninen bastap qoldanysqa engiziledi.Qazaqstan Respýblıkasynyń Prezıdenti N.Nazarbaev
Astana, Aqorda, 2017 jylǵy 6 mamyr, № 473
Qazaqstan Respýblıkasyndaǵy memlekettik qyzmettiń jaǵdaıy týraly ulttyq baıandamany qalyptastyrý jáne Qazaqstan Respýblıkasynyń Prezıdentine usyný QAǴIDALARY
1. Qazaqstan Respýblıkasyndaǵy memlekettik qyzmettiń jaǵdaıy týraly ulttyq baıandamany qalyptastyrý jáne Qazaqstan Respýblıkasynyń Prezıdentine usynýdyń osy qaǵıdalary «Qazaqstan Respýblıkasynyń memlekettik qyzmeti týraly» 2015 jylǵy 23 qarashadaǵy Qazaqstan Respýblıkasy Zańynyń 5-baby 2-tarmaǵynyń 7-4) tarmaqshasyna, «Qazaqstan Respýblıkasynyń Prezıdenti týraly» 1995 jylǵy 26 jeltoqsandaǵy Qazaqstan Respýblıkasy Konstıtýsııalyq Zańynyń 21-baby 2-tarmaǵynyń 3) tarmaqshasyna sáıkes ázirlendi jáne Qazaqstan Respýblıkasyndaǵy memlekettik qyzmettiń jaǵdaıy týraly ulttyq baıandamany (budan ári – Ulttyq baıandama) qalyptastyrý jáne Qazaqstan Respýblıkasynyń Prezıdentine usyný tártibin aıqyndaıdy.
2 Ulttyq baıandamany ortalyq memlekettik jáne jergilikti atqarýshy organdar, olarǵa vedomstvolyq baǵynysty uıymdar usynǵan aqparat, ýákiletti organ jumysynyń nátıjeleri, memlekettik qyzmettegi kadr jaǵdaıyn taldaý jáne baǵalaý, memlekettik qyzmetti qalyptastyrý, iske asyrý jáne jetildirý, osy saladaǵy jumysty odan ári damytý jáne jaqsartý jónindegi qorytyndylar men usynystar negizinde memlekettik qyzmet isteri jónindegi ýákiletti organ (budan ári – ýákiletti organ) qalyptastyrady.
3. Ulttyq baıandamanyń qurylymy mynadaı bólimderden turady:
kirispe; negizgi bólim; qorytyndy.Kirispede Ulttyq baıandamany usynýdyń negizdemesi men maqsaty jáne onyń qysqasha mazmuny qamtylady.
Ulttyq baıandamanyń negizgi bólimi memlekettik qyzmet saladaǵy memlekettik saıasatty iske asyrý boıynsha júrgizilip jatqan jumystyń mánin, jaǵdaıy men negizgi nátıjelerin kórsetetin derekterdi jáne:
1) Qazaqstan Respýblıkasynyń memlekettik qyzmetiniń kadr jaǵdaıy týraly málimetterdi;
2) kásibı memlekettik apparatty qalyptastyrý boıynsha atqarylǵan jumys týraly aqparatty;
3) esepti jyldaǵy ýákiletti organnyń qyzmetin taldaý, sondaı-aq iske asyrylyp jatqan saıasattyń eldegi memlekettik qyzmettiń jaǵdaıyna áserin baǵalaýdy qamtıdy.
Qorytyndyda memlekettik qyzmettegi kadr jaǵdaıyn taldaý jáne baǵalaý, memlekettik qyzmetti odan ári damytý jónindegi qorytyndylar men usynystar, sondaı-aq kelesi esepti jylǵa arnalǵan olardy iske asyrýdyń mindetteri qamtylady.
4. Qajet bolǵan jaǵdaıda Ulttyq baıandamany mátinde siltemeler jasalǵan tártippen ornalastyrylǵan qosymshalarmen tolyqtyrýǵa jol beriledi.
5. Ýákiletti organ Ulttyq baıandamany qalyptastyrý úshin qajetti aqparatty usyný týraly suratýdy esepti jyldyń 15 jeltoqsanynan keshiktirmeı ortalyq memlekettik jáne jergilikti atqarýshy organdarǵa, olarǵa vedomstvolyq baǵynysty uıymdarǵa joldaıdy.
6. Ýákiletti organnyń suratýy boıynsha ortalyq memlekettik jáne jergilikti atqarýshy organdar, olarǵa vedomstvolyq baǵynysty uıymdar tıisti aqparatty esepti jyldan keıingi jyldyń 10 qańtarynan keshiktirmeı usynady.
Aqparatqa memlekettik organnyń jaýapty hatshysy nemese apparat basshysy, al jaýapty hatshy jáne apparat basshysy laýazymy engizilmegen memlekettik organdarda memlekettik organnyń basshysy (ony almastyratyn adam) qol qoıady.
Ýákiletti organ Ulttyq baıandamany sapaly daıyndaýǵa qajetti qosymsha aqparatty suratýǵa quqyly.
7. Ulttyq baıandamany:
ýákiletti organ Qazaqstan Respýblıkasynyń Úkimetine esepti jyldan keıingi jyldyń 15 aqpanynan keshiktirmeı; Qazaqstan Respýblıkasy Úkimeti Qazaqstan Respýblıkasynyń Prezıdenti Ákimshiligine esepti jyldan keıingi jyldyń 5 naýryzynan keshiktirmeı;3) Qazaqstan Respýblıkasynyń Prezıdenti Ákimshiligi Qazaqstan Respýblıkasynyń Prezıdentine esepti jyldan keıingi jyldyń 25 naýryzynan keshiktirmeı usynady.