• RUB:
    6.68
  • USD:
    520.93
  • EUR:
    609.07
Basty saıtqa ótý
Parlament 11 Mamyr, 2017

Jýrnalısterge arnalǵan «Parlament sózi» syılyǵyna ótinimder qabyldaý bastaldy

150 ret
kórsetildi

Májilis jýrnalısterge arnalǵan «Parlament sózi» syılyǵyna úmitkerlerdiń ótinimderin qabyldaýdy bastady Astana, 11 mamyr.Májilis Úıi. Májilis búginnen bastap zań shyǵarý qyzmetin úzdik jazyp-kórsetkenderge arnalǵan «Parlament sózi» syılyǵyna úmitkerlerdiń ótinimderin qabyldaıdy. Bul týraly palatanyń baspasóz qyzmeti habarlady.

Ataýly syılyqqa Palatanyń zań shyǵarýshylyq qyzmeti jaıynda 2016 jyldyń 1 qyrkúıegi men 2017 jyldyń 14 maýsymy aralyǵynda jaryq kórgen materıaldar qabyldanady.

Jeńimpazdar alty nomınasııa boıynsha Májilistiń qyzmeti týraly úzdik televızııalyq, merzimdik baspasóz, Ǵalamtor men radıomaterıaldar, sonymen birge foto jáne beıne-materıaldar boıynsha anyqtalady. Sondaı-aq, Qazaqstan parlamenttik jýrnalıstıkasynyń damýy men órkendeýine úles qosqandar da eskeriletin bolady.

Syılyqqa úmitker kandıdattardy buqaralyq aqparat quraldarynyń basshylary, shyǵarmashylyq odaqtar, qoǵamdyq birlestikter usynady. Sondaı-aq, bul báıgege ózin-ózi usyný arqyly jeke jýrnalıster de qatysa alady.

О́tinim buqaralyq aqparat quralynyń, shyǵarmashylyq odaqtyń, qoǵamdyq birlestiktiń resmı blankisindegi, basshy nemese ony almastyratyn adam qol qoıǵan hat, ózin-ózi usynǵan jaǵdaıda – syılyqqa úmitkerdiń ózi qol qoıǵan hat jóneltiledi. Osylarǵa qosymsha, syılyqqa úmitker týraly qysqasha aqparat (T.A.Á. laýazymy, baılanys telefondary, poshtalyq mekenjaıy, elektrondyq poshtasy) kórseteledi.

Jarııalanǵan nemese efırge shyqqan jarııalanymdardyń mátinderi, aýdıo, beıne-fotomaterıaldar ne ǵalamtorda shyǵarylǵan materıaldar jaramdy siltemeler birge beriledi. О́tinimder 2017 jyldyń 15 maýsymyna deıin qabyldanady.

О́tinimdi Qazaqstan Respýblıkasy Parlamenti Májilisiniń syılyǵyn berý jónindegi Komıssııa jumys organyna – Májilis Baspasóz qyzmetine – 000001, Astana qalasy, Máńgilik El dańǵyly, 4, Qazaqstan Respýblıkasy Parlamenti Májilisine nemese smimazh@parlam.kz elektrondy adresine joldaý qajet. Qosymsha aqparatty: Májilistiń resmı saıtynan nemese (8) (7172) 24-38-22 telefony arqyly alýǵa bolady.

Baspasóz basylymdary men ǵalamtor-basylymdarda jarııalanbaǵan, sondaı-aq tele- jáne radoefırge shyǵarylmaǵan, parlament taqyrybyna saı kelmeıtin materıaldar men Komıssııa jumys organyna qujat qabyldaý merziminen ótip ketkende materıaldar qarastyrylmaıdy.

Komıssııa syılyqqa nomınasııalanatyn jumystardy baǵalaý kezinde taqyryptyń jazylyp-kórsetilý tereńdigin, materıaldy berýdegi kásibı sheberlilik pen obektıvtilikti, onyń kórkemdik erekshelikterin baǵalaıdy. Syılyq ıeleri Baılanys jáne aqparat qyzmetkerleriniń kúni qarsańynda jarııalanady.

Qazaqstan Respýblıkasy Parlamenti Májilisiniń Tóraǵasy Nurlan Nyǵmatýlın ótken sessııanyń aıaǵynda jýrnalısterge arnalǵan syılyq belgileý boıynsha Májilis Bıýrosynyń sheshimin jarııalaǵan bolatyn. Bıylǵy jyly «Parlament sózi» syılyǵy alǵash ret tapsyrylǵaly otyr.  

Sońǵy jańalyqtar