Júzdesýler júıeli isterge jeteleıdi

Keshe Qazaqstan Respýblıkasynyń Syrtqy ister mınıstri Erjan Qazyhanov elimizde memlekettik saparmen júrgen Koreıa Prezıdenti delegasııasynyń quramynda kelgen Koreıa Respýblıkasynyń Syrtqy ister jáne saýda mınıstri Kım Son Hvanmen kezdesti. Mınıstrler júzdesýi dostyq ráýishte ótip, emen-jarqyn áńgi­me­men jalǵasyn tapty. Elimiz syrtqy saıasat vedomstvosynyń basshysy óz sózinde bylaı dedi: «Prezıdent Lı Mıon Baktyń As­tanaǵa sapary eki eldiń saıası ún­qatysýyn, saýda-ekonomıkalyq, ınvestısııalyq jáne gýmanı­tar­lyq baılanystaryn tereńdetý tur­ǵysynan alǵanda óte mańyz­dy». Osy rette E.Qazyhanov jo­ǵa­ry deńgeıdegi kelissózder ba­rysynda ekijaqty yntymaqtas­tyq­ty odan ári nyǵaıtý men osyǵan deıin qol jetkizilgen kelisimderdi júzege asyrýǵa qa­tys­ty ashyq ta konstrýktıvti pikir alysý bolatynyna senim bildirdi. «Sońǵy 3 jyl ishinde Qazaqstan men Ońtústik Koreıa yntymaqtastyǵy qarqyn­dy damýda. Yqpaldastyq strate­gııa­lyq áriptestiktiń jańa deń­geıine shy­ǵyp keledi», dedi E.Qa­zyhanov. Osy rette Koreıa Respýb­lı­ka­synyń Prezıdenti Lı Mıon Bak­tyń memlekettik sapary Qazaq­stan men Oń­tústik Koreıa ara­syn­daǵy dıp­lomatııalyq qarym-qaty­nas­tar­dyń 20 jyldyǵynyń qarsańynda ótip jatqany atalyp ótti. Strategııalyq áriptestiktiń ma­ńyzdy ári negizgi dińgekteriniń biri saýda-ekonomıkalyq yqpal­das­tyqty arttyrý desek, bul ba­ǵytta da aıtarlyqtaı áleýet bar ekenin aıta ketken jón. Koreıa­nyń elimizge salǵan tikeleı ın­vestısııasynyń kólemi 3,5 mıllıard AQSh dollary bolsa, koreılik kapıtaldyń qaty­sýymen 330-ǵa tarta birlesken kásiporyn jumys istep tur. «Biz iskerlik belsendilik salasyndaǵy jetistikterimizdi qoldap, ol úshin jańa ári tıimdi tetikterdi birlese izdestirýimiz qajet», dep atap kórsetti elimizdiń syrtqy saıasat vedom­stvo­synyń basshysy. Asqar TURAPBAIULY.