Sharıǵat boıynsha balıǵat jasyna tolmaǵan balalarǵa oraza ustaý paryz emes. Alaıda, densaýlyǵy jaqsy bolsa, ata-ananyń ruqsatymen 9-12 jastan bastap, tańnan túske deıin nemese jarty kún sııaqty jeńildetilgen túrde úırenýine bolady. Balanyń densaýlyǵyna keri áser etpeýi mańyzdy, dep jazady Egemen.kz.
Múftııattyń pátýá bóliminiń málimdeýinshe balıǵat jasyna jetpegen jas bala men aqyl-esinen aýysqan adamǵa oraza tutý paryz emes. Paıǵambarymyz (oǵan Allanyń salaýaty men sálemi bolsyn) buǵan qatysty bylaı degen:
«Úsh adamnan (amal dápterin jazatyn) qalam kóterildi: aıyqqanǵa deıin jyndanǵan adamnan, oıanǵanǵa deıin uıqydaǵy adamnan, balıǵatqa tolǵanǵa deıin baladan».
Araq ishken adam 40 kúnge deıin oraza ustaı almaı ma?
Alaıda balalardy qulshylyqqa baýlý maqsatynda oraza ustatqyzý – mustahap.
Hadıste: «Biz balalarymyzǵa oraza ustatqyzyp, olarǵa júnnen oıynshyq jasap qoıatynbyz. Eger bireýi tamaq surap jylasa, aýyz ashar ýaqyty kelgenshe (ermek qylyp otyrsyn dep) sol oıynshyqty beretinbiz» delinedi.
2026 jylǵy Oraza kestesi jarııalandy