Jumysshylar quqy partııa baqylaýynda

«Batys Eýropa – Batys Qytaı» halyqaralyq jobasy­nyń elimizdiń ekonomıkasyn da­my­týdaǵy mańyzy zor bolmaq. Memleket basshysy, «Nur Otan» partııasynyń Tóraǵasy Nursul­tan Nazarbaev bul jobany bú­kil­halyqtyq qurylys dep ja­rııalaǵan bolatyn. Oryndalý barysy jumys sapasy jáne merdiger kompanııalardyń eńbek zań­namasyn saqtaý máseleleri nurotandyqtardyń qadaǵalaýynda. Partııanyń tikeleı qatysýy­men Ońtústik Qazaqstan obly­syn­da oryn alǵan jumysshylar men jumys berýshiler arasyn­daǵy daý-janjal tyıyldy. Aǵymdaǵy jyldyń shildesinde «Batys Eýropa – Batys Qytaı» kólik dáliziniń qurylys ýchas­ke­leriniń birinde 50 adam óz ju­mysyn jalǵastyrýdan bas tart­ty. Sebebi merdiger – «Azerkorpý/Tepe» ázerbaıjan-túrik kom­pa­nııasy qazaqstandyq jumys­shy­lar­dyń quqyqtaryn óreskel buzdy. «Nur Otan» jaǵdaıdyń anyq-qanyǵyn bile bastaǵan kezde barlyq kemshilikter joı­y­­lyp, jumysshylarmen eńbek ke­lisim-sharttary jasaldy, olar­­ǵa arnaıy jumys kıimderi berildi, tegin tamaqtandyrý, sý jetkizý jumystary uıym­das­taryldy. Ońtústik Qazaqstan oblysy­na jasaǵan jumys sapary bary­synda «Nur Otan» partııasy Tóraǵasynyń birinshi orynba­sa­ry Nurlan Nyǵmatýlın tasjol ýchaskesinde bolyp, qurylysshy­lar­dyń eńbek jaǵdaıymen ta­nysty. Qazirgi ýaqytta merdiger kompanııa eńbek zańnamasyn qatań saqtaýda. Obektide «Nur Otannyń» baqylaý beketi ju­mys isteıdi. Janjal qaralyp jat­qan kezde bastaýysh partııa uıymyn qurý jaıly jumys­shylardyń kótergen bastamasy «Nur Otan» HDP oblystyq fı­lıalynyń qoldaýyna ıe boldy. Uıymǵa 35 adam múshe. «Nur Otan» «Batys Eýropa – Batys Qytaı» jobasyn qury­lystyń birinshi kúninen bastap óziniń baqylaýyna aldy. Bizdiń eń basty maqsatymyz – osy avtojol qurylysynda ju­mys istep jatqan otandas­ta­ry­myzdyń quqyǵyn buzýǵa jol ber­meý, dedi óziniń sózinde N.Nyǵmatýlın.