Elimizdiń batysynda jáne qıyr soltústiginde atmoferalyq aǵymdardyń ótýine baılanysty kún raıy qubylmaly bolady dep boljanýda. Jańbyr jaýyp, naızaǵaı oınaıdy. Ońtústik-batys aımaǵynyń keı jerlerinde shańdy daýyl kóteriledi, ońtústik-shyǵysta tuman bolady. Bul týraly «Qazgıdromet» RMK habarlady.
Aqmola, Soltústik Qazaqstan, Pavlodar, kúndiz Atyraý, Qyzylorda oblystarynyń jekelegen jerlerinde jel 15-20 m/s kúsheıedi.
Mańǵystaý oblysynyń keı jerlerinde jeldiń ekpini 15-20 m/s deıin artady, kúndiz shańdy daýyl kóteriledi.
Jambyl oblysynyń keı jerlerinde jel 15-23 m/s kúsheıip, tuman bolady.
Almaty oblysynyń keı jerlerinde túnde tuman kútiledi.
Túnde Qaraǵandy, Shyǵys Qazaqstan oblystarynyń keı aýmaqtarynda aýa temperatýrasy -4 gradýsqa deıin tómendeıdi.
Pavlodar oblysynyń jekelegen jerlerinde topyraq betinde 0-2 gradýs úsik júredi.