Atalǵan eki klýbtyń boksshylary osydan bir apta buryn Kemerevoda kezdesý ótkizip, «Astana arlandary» jeńiske jetken bolatyn. «Astana arlandary» jigitteri osy joly da reseılik qarsylastaryn qapy qaldyrdy. Sóıtip, búkilálemdik boks serııasynyń jartylaı fınalyna joldama aldy.
Kezdesýde 52 keli salmaqta bokstasqan Oljas Sáttibaev Ivan Abramovtan basym tússe, 60 keli salmaqta judyryqtasqan Zákir Safýllın reseılik qarsylasynan aılasyn asyrdy. 69 keli salmaqta Aslanbek Shymbergenov pen Shahabas Mahmýdov judyryqtasyp, Shahabas Aslanbektiń arynyna shydas bermedi. 81 keli salmaqta Nurlan Aqúrpekov qarsylasy Imam Hataevti tize búktirdi. Asa aýyr salmaqtaǵy (+91 keli) alyptardyń aıqasynda elimizdiń atynan shyqqan Dmıtrıı Zısko Artem Sýslenkovqa tótep bere almady.
Osylaısha jalpy komandalyq esepte jeńiske jetken «Astana arlandary» jartylaı fınaldaǵy kezdesýin endi «British Lionhearts» pen «France Figthing Roosters» komandalarynyń jeńimpazymen ótkizetin bolady.
Ularbek NURǴALYMULY,
«Egemen Qazaqstan»