Atyraýda Iran-Ǵaıyptyń respýblıkalyq teatrlar festıvali bastaldy

Elbasynyń «Bolashaqqa baǵdar: rýhanı jańǵyrý» maqalasynda atalǵan mindetterdi júzege asyrý maqsatynda qolǵa alynǵan ıgi isterdiń qatarynda osy shara da bar. «Máńgilik eldiń Altyn adamy» festıvalin Atyraý oblystyq qazaq drama teatry «Súıinbaı» epostyq dramasymen bastady.  Oblys ákimdiginiń qoldaýymen ótkizilgen óner merekesine Semeıden Abaı atyndaǵy memlekettik qazaq mýzykalyq drama teatry, Almatydan Ǵabıt Músirepov atyndaǵy qazaq memlekettik akademııalyq drama teatry, Taldyqorǵannan Bıken Rımova atyndaǵy Almaty oblystyq drama teatry, Oraldan Hadısha Bókeeva atyndaǵy Batys Qazaqstan oblystyq qazaq drama teatry keldi. Baıqaýdy KSRO memlekettik, Lıtva Ulttyq syılyǵynyń ıegeri, professor Ionas Vaıtkýs tóraǵalyq etetin qazylar alqasy baǵalaıdy.  «Mádenı sharalardy jıi ótkizýdiń ózindik qajettilikteri bar. Munyń bárin Memleket basshysynyń «Bolashaqqa baǵdar: rýhanı jańǵyrý» atty maqalasyndaǵy tapsyrmalardy oryndaýǵa, elimizdiń rýhanı jańǵyrýyna, jahandaný úrdisindegi básekelestikke saı bolýǵa baǵyttalǵan negizgi sharalardyń qatarynda ataýǵa bolady», – dedi festıvaldiń ashylý saltanatyna qatysqan oblys ákimi Nurlan Noǵaev.  О́ner toıyna Mádenıet jáne sport vıse-mınıstri Aqtoty Raıymqulova da qatysyp, «Atyraý – ónerdiń Mekkesine aınaldy» degen lebizin arnady.   Qazaqstannyń halyq ártisi, professor Esmuhan Obaev: «Sońǵy bir-eki jyldyń ishinde osy óńirge jeti óner ujymy gastroldik saparlarymen kelip, festıvalder ótkizdi. Onyń birinshisi jazýshy-dramatýrg Rahymjan Otarbaevtyń shyǵarmashylyǵyna arnalǵan edi. Iran-Ǵaıyp – ataǵy alysqa ketken dramatýrg. Al, onyń atyndaǵy festıval – qazaq teatrlarynyń búgingi deńgeıin kórsetetin, akterlerdiń, dramatýrgterdiń sheberligin, jetken jetistigin shyńdaıtyn óner báıgesi» – dep atap ótti.  Festıval 24 mamyrǵa deıin jalǵasady.  Baqytgúl BABASh,  «Egemen Qazaqstan».  ATYRAÝ.