Aqparat jáne kommýnıkasııalar mınıstrligi Qazaqstan aýyldaryn jyldamdyǵy joǵary Internetpen qamtamasyz etý boıynsha jobany iske qosady. Bul týraly búgin Úkimet otyrysynyń qorytyndysy boıynsha ótken baspasóz máslıhatynda vedomstvo basshysy Dáýren Abaev málim etti, dep habarlaıdy primeminister.kz
«Qala men aýyl arasynda sıfrlyq alshaqtyq bar. Qalada jyldam Internet arqyly sapaly memlekettik qyzmet kórsetiledi, al aýyldy eldi mekender bul jaǵynan keıin qalyp keledi», – dep atap ótti mınıstr. Úsh jyldyq joba aıasynda 4 mıllıonǵa jýyq halqy bar shamamen 1900 eldi mekendi sapaly, jyldamdyǵy joǵary Internetpen qamtamasyz etý josparlanǵan. Aýyl turǵyndary «Elektrondy úkimettiń» barlyq qyzmetterin ala alady, al daıyn qujattardy jetkizý «Qazposhta» arqyly qamtamasyz etiledi.