Qyrǵyzstanda atom elektr stansııasyn (AES) salý máselesin referendýmǵa shyǵarý múmkindigi qarastyrylyp jatyr, dep habarlaıdy Egemen.kz.
Mınıstrler kabınetiniń birinshi orynbasary Danııar Amangeldıevtiń aıtýynsha, AES máselesi eldiń energetıka salasynyń bolashaǵymen tikeleı baılanysty. Qazirgi kezeńde naqty qurylys emes, daıyndyq jumystary — qajetti ınfraqurylymdy damytý jáne mamandardy daıarlaý týraly sóz bolyp otyr.
«Biz «Rosatommen» ınfraqurylym qurý jáne kadrlardy daıarlaý boıynsha jumys istep jatyrmyz. Tek osydan keıin ǵana qurylys máselesin qarastyrýǵa bolady», dedi ol.
Danııar Amangeldıev túpkilikti sheshim azamattardyń qatysýymen qabyldanatynyn atap ótti. Bul máseleni referendýmǵa shyǵarý josparlanyp otyr.
Elimizdegi ekinshi AES Almaty oblysynda salynady
«Biz halyqpen aqyldasamyz. Zaman aǵymyna saı júremiz be, joq pa birge sheshemiz», dedi ol.
Osy turǵyda Qyrǵyzstan Qazaqstannyń jolyn qaıtalaýy múmkin. Qazaqstanda 2024 jyly AES qurylysyna qatysty referendým ótip, azamattar stansııa salýdy qoldaǵan edi. Eldegi alǵashqy AES-tiń bas merdigeri retinde «Rosatom» tańdalǵan.
Japonııa álemdegi eń iri AES-ti iske qosý týraly sheshim qabyldady
Eger referendým ótkizý týraly sheshim qabyldansa, bul Qyrǵyzstannyń aldaǵy jyldarǵa arnalǵan energetıkalyq strategııasyndaǵy mańyzdy qadamdardyń biri bolmaq.