Jenevadaǵy qaıyrymdylyq jármeńkesi

Birikken Ulttar Uıymynyń Jeneva qalasyndaǵy Ulttar saraıynda BUU-nyń qamqorshy bolýymen jyl saıynǵy halyqaralyq qaıyrymdylyq jármeńkesi ótti. Bul qaıyrymdylyq aksııasy Jenevada tirkelgen dıplomatııalyq korpýs jáne jergilikti turǵyndar úshin mańyzdy mádenı is-sharanyń biri bolyp tabylady. Onyń ashylý rásiminde BUU-nyń Jenevadaǵy bólimshesiniń bas dırektory Maıkl Meller sóz sóıledi. Al jár­meńkege qatysýshylar men qonaqtar onda qoıylǵan já­ne usynylǵan barlyq el­der­­diń mádenıetimen, salt-dástúrimen tanysýǵa múm­­kindik aldy. Shara ba­ry­synda, sondaı-aq túr­li halyqtardyń ulttyq mý­zykalary oınalyp, bıleri oryn­daldy. BUU-nyń joǵary deńgeıde ótken qaıyrymdylyq jár­meń­kesin uıymdastyrýǵa Qaza­qstan Respýblıkasynyń Jenevadaǵy turaqty ókildigi de belsene qatysty. Qonaqtar nazaryna Qazaqstannyń ult­tyq mádenıeti men tarıhy­nan jan-jaqty aqparat be­retin, sondaı-aq elimizdiń halyq­aralyq bastamalarynan habardar etetin baspa materıaldary jáne Qazaqstan halqynyń baı ashanasy usynyldy. Al qaıyrymdylyq aksııasynan jı­nalǵan qarajat álemniń túr­li elderindegi kómekti qa­jet ete­tin balalarǵa jibe­riledi. «Egemen-aqparat»