Jańa qujat naqtylyǵymen erekshelenedi

Osy jylǵy jeltoqsanda ótetin eýrazııalyq «bestik» memleketteri basshylarynyń kezdesýinde Eýrazııalyq ekonomıkalyq odaqtyń (EAEO) Keden kodeksine qol qoıylady dep kútilip otyr. Boljam boıynsha, qujat 2017 jyldyń ortasynda kúshine enýi múmkin. Bul týraly III Eýrazııalyq ekonomıkalyq kongress barysynda Eýrazııalyq ekonomıkalyq komıssııanyń kedendik yntymaqtastyq jónindegi alqanyń (mınıstr) múshesi Muqaı Qadyrqulov málimdedi. Buqaralyq aqparat qu­raldary ókilderiniń su­raq­taryna jaýap qaı­tarý ke­zinde ol osyndaı aýqym­dy qujat – jańa kodeks j­o­ba­synyń úsh jyldaı mer­zim­de ázirlengenin de atady. Mınıstrdiń aıtýynsha, Eý­ropalyq odaqtyń kedendik zań­namasyn daıyndaýǵa on jyl­­dan astam ýaqyt ketken. Al Eýrazııalyq ekonomıkalyq ko­mıssııasynyń kedendik zań­namalar departamenti dı­rektorynyń orynbasary Elena Brıcheva kongreste sóılegen sózinde kedendik ret­teý máselelerindegi ulttyq jáne ultústilik segmenttegi óz­gerister týraly aıtyp berdi. Elena Brıchevanyń atap ótýinshe, qazirgi qoldanystaǵy Keden kodeksi 339 jóneltý normasynan turady. Olardyń besten ekisi salyq, valıýta, ákimshilik, azamattyq jáne basqa da zańnamalyq normalar. Sondaı-aq, ol osyndaı jóneltý normalary jańa kodekste de qaldyrylǵanynan habardar etti. Buǵan qosa, ol jańa kodekstiń mátinindegi ultústilik normalarǵa da toq­taldy. Negizinen ol keden ókiliniń nıettestik min­de­tine, taýar­lardyń shy­ǵýy týra­ly aldyn ala qabyl­dan­ǵan sheshimderdi retteýge, ke­dendik deklarasııalaý erek­she­lik­terine qatysty. Departament dırektory­nyń orynbasary jańa qu­jat qabyldanǵannan keıin Ko­mıssııa retteýge tıis­ti má­s­e­- lelerdiń edáýir kóbeı­eti­­nin de atap ótti. «EAEO-nyń Keden kodeksi Komıssııa qa­ras­tyratyn 279 normadan tu­rady, – dedi E.Brıcheva. – Osy 279 normanyń 96-sy Ko­mıssııanyń qazirgi kezdegi min­deti bolyp tabylady. Al 183 norma Komıssııanyń jańa qu­jat boıynsha qarastyratyn ja­ńa quzyretine jatady». Jalpy, jańa kodeks joba­synda kórsetilgen normalar barynsha naqtylyǵymen erek­shelenedi. О́ıtkeni, Ke­den­d­ik odaqtyń alty jyldan beri jumys istep kele jat­qan Keden kodeksindegi zań­namalarǵa qatysty kem­shilikter túzetilgen. Álısultan QULANBAI, «Egemen Qazaqstan»